Выйти
RU

"Бір тісі жоқ": Шымкентте аяусыз соққыға жығылған келіншектің әпкесі жанайқайын айтты

Рассказать в Telegram Рассказать Вконтакте

Шымкентте бейтаныс жігіттердің соққысынан ауыр жарақат алып, ауруханадан бір-ақ шыққан әйелдің туысы оның жағдайын баяндады. Айтуынша сіңлісі өлім аузынан қалған хабарлайды KAZ.NUR.KZ Астана арнасына сілтеме жасап.

"Бірде бір тісі жоқ": Шымкентте соққыға жығылған келіншектің туыстары мәлімдеме жасады

Фото: instagram.com/nemolchi.kz, Көрнекі фото: pixabay.com

"Менің сіңілім адам танымастай соққыға жығылған. Түні бойы далада жатып, өлім аузынан қалған. Бір тісі жоқ, сөйлей алмайды, тіпті тамақ іше алмайды", - дейді жәбірленушінің әпкесі.

Келіншек сіңілісінің қабырғасы мен қолы сынғанын айтып, әлеуметтік желіде бейнеүндеу жолдады. Оның айтуынша, жақыны кешкісін жұмыстан қайтып келе жатқанда бірнеше ер адам оны бас салып, соққыға жыққан.

Ұрып-соққан соң, тұншықтырып, өлді деген оймен ағаштардың арасына жасырып кеткен көрінеді.

Адамдардың құқығын қорғау ұйымының төрайымы Дина Смаилова қоғамда қатігездік белең алғанын айтады.

"Зардап шегуші қатты соққыдан талып қалған. Оның қазіргі жағдайы өте ауыр, енді бірнеше ота жасалады. Бізде қатігездік белең алды. Сол үшін қысым көрсету, зорлауға қатысты заңға өзгерту енгізу керек", - дейді "Не молчи" қорының жетекшісі.

Статистикаға сүйенсек, елде күн сайын нәзік жандылардың біреу тұрмыстық зорлық-зомбылыққа ұшырайды.

Ал карантин кезінде республика бойынша жедел желілерге отбасылық-тұрмыстық зорлық құрбандарынан 135 мың қоңырау келіп түскен.

А. Кемелжан

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
"Бір тісі жоқ": Шымкентте аяусыз соққыға жығылған келіншектің әпкесі жанайқайын айтты