Выйти
RU

Бұрынғы энергетика вице-министрі Шкарупа үйқамаққа жіберілді

Рассказать в Telegram Рассказать Вконтакте

Қазақстанның бұрынғы энегетика вице-министрі Анатолий Шкарупаға қатысты бұлтартпау шарасы өзгертілді. Ол үйқамаққа алынды деп хабарлайды KAZ.NUR.KZ порталы қорғаушы Нұрлан Бейсекеевтің Facebook парақшасына сілтеме жасап.

Анатолий Шкарупа. Фото: Қарағанды облысының әкімдігі

Анатолий Шкарупа. Фото: Қарағанды облысының әкімдігі

"Ақыры орындалды. Қарағанды облыстық сотының қаулысымен Шкарупа Анатолий Валерьевич істі қарау кезеңіне қамаудан босатылып, үйқамаққа ауыстырылды", – деп жазды Бейсекеев.

Ол сондай-ақ омбудсмен Эльмира Азимоваға ерекше алғысын білдірді.

"Енді заңдылықты, әділеттікті қалпына келтіру және адамның құқықтары мен бостандықтарын қорғау үшін кімге жүгіну керектігін білемін", – деді ол.

Еске сала кетейік, Анатолий Шкарупа 2018 жылғы қарашада тұтқындалған болатын.

Экс-шенеунік Тұрғын үй-коммуналдық шаруашылықты дамыту қорының экс-төрағасының міндетін атқарушы Қайсар Байдалы және "Energo" ЖШС директоры Ерлан Нәбиев 215 миллион теңгені ұрлады деген айыппен сот алдына келді.

Ал былтыр желтоқсанда бұрынғы энергетика вице-министрі Қазақстан президенті Қасым-Жомарт Тоқаевтың атына арыз жазды.

Ол жазған хатында "елдегі соттардың азаматтардың жеке бас бостандығына конституциялық құқығын бұзуы" туралы дәлелдер келтіргенін атап өтті.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Бұрынғы энергетика вице-министрі Шкарупа үйқамаққа жіберілді