Выйти
RU

Коронавирус жұқтырған Зеленскийдің жұбайы ауруханаға жатқызылды

Рассказать в Telegram Рассказать Вконтакте

Коронавирус инфекциясына шалдыққан Украина президенті Владимир Зеленскийдің жұбайы Елена екіжақты пневмониямен ауруханаға жатқызылды, жағдайы тұрақты. Мемлекет басшысы мен балалары тапсырған кезекті ПТР-тест теріс нәтиже көрсетті деп хабарлайды KAZ.NUR.KZ порталы РИА Новостиге сілтеме жасап.

Фото: instagram.com/olenazelenska_official

Фото: instagram.com/olenazelenska_official

Бұған дейін Зеленский жоспарланған кездесулерін шектеген болатын. Әйелінен коронавирус анықталғанына байланысты ол ішінара карантин режиміне көшкен.

"Украина президентінің жұбайы Елена Зеленская Киев ауруханасына жатқызылды. Белгілі болғандай, өткен аптада ПТР-тестілеуден өткеннен кейін елдің бірінші ханымында коронавирус анықталған. Қазір оның диагнозы – COVID-19. Қосымша оттегін қажет етпейді, жағдайы тұрақты", – делінген Украина президенті кеңсесі баспасөз қызметінің Telegram-дағы ресми парақшасында.

Еске сала кетейік, 2020 жылғы 12 маусымда Украина президенті Владимир Зеленскийдің әйелі Елена COVID-19 инфекциясына тест тапсырып, оң нәтиже алған болатын.

Украинаның бірінші ханымы коронавирусты қалай және қандай жағдайда жұқтырып алғаны белгісіз. Президент кеңсесі баспасөз қызметінің Telegram-дағы ресми парақшасы аталған мәселені анықтау үшін эпидемиологиялық тексеру жүргізілетінін мәлімдеді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Коронавирус жұқтырған Зеленскийдің жұбайы ауруханаға жатқызылды