Выйти
RU

БҚО-да оқушыны ұрып-соққан мектеп директоры сотты болды

Рассказать в Telegram Рассказать Вконтакте

Облыстық соттың баспасөз қызметі хабарлағандай, аудандық мектептердің бірінің директоры он бірінші сынып оқушысын ұрды. Мұғалім мектептегі үзіліс кезінде заңсыз әдістерді қолданған. Сонымен қатар, директор кабинетіне оқушыны кезекші оқытушы алып келген деп хабарлайды KAZ.NUR.KZ.

БҚО-да мектеп директоры баланы ұрып-соққан

Көрнекі фото: pixabay.com

"Кезекші мұғалім 11-сынып оқушысының тәртібіне наразылығын білдірді. Сол кезде оқу орнының директоры оның көзінше жасөспірімнің бетіне және денесіне бірнеше рет соққы жасаған. Осылайша ол денсаулығына жеңіл дәрежеде зиян келтірді", - деді сот.

Процесс барысында директордың кінәсі дәлелденді. Ол Қазақстан Республикасы Қылмыстық кодексінің 140-бабының 1-бөлігі бойынша (кәмелетке толмаған баланы тәрбиелеу жөніндегі міндеттерді орындамау) кінәлі деп танылды.

Үкім ювеналды сотта шығарылды. Сот мектеп директорына 222 мың теңгеден астам мөлшерде (80 АЕК көлемінде) айыппұл салды.

Жазаны тағайындау кезінде сотталушының бірінші рет қылмыстық құқық бұзушылық жасағандығы ескерілді. Сондай-ақ, мұғалім екі жылға педагогикалық лауазымдарды иелену және жасөспірімдермен жұмыс істеу құқығынан айырылды.

Сот облыстық білім басқармасы басшылығына қарсы жеке қаулы шығарып, онда қауіпсіз орта құру үшін профилактикалық жұмыстарды күшейту қажеттігін атап өтті.

Естеріңізге сала кетейік, БҚО тұрғыны мектеп директорын "баламды соққыға жықты" деп айыптаған еді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
БҚО-да оқушыны ұрып-соққан мектеп директоры сотты болды