Выйти
RU

ҰБТ-ның алғашқы күні ең жоғары балл жинаған түлектің есімі белгілі болды

Рассказать в Telegram Рассказать Вконтакте

Ұлттық тестілеу орталығы ҰБТ-ның бірінші күні ең жоғары балл жинаған талапкерді атады деп хабарлайды KAZ.NUR.KZ порталы Sputnik Қазақстан сайтына сілтеме жасап.

Ауыл мектебінің оқушысы ҰБТ-да 138 балл жинады

Көрнекі фото: NUR.KZ

Ұлттық тестілеу орталығы директорының орынбасары Наужан Дидарбекованың айтуынша, кеше ең жоғары балл жинаған талапкер – Түркістан облысының Ордабасы ауданындағы Теспе орта мектебінің түлегі. Есімі – Абзал Әбдіманап.

"Ол 138 балл жинап шықты. Қазір жаңа норма енгізілген. Оған сәйкес, барлық ҰБТ процесі видеоға түсіріледі, кейіннен бейнежазбаға талдау жасалады. Әрине, біз Абзалдың да бейнежазбасын толық қарап шығатын боламыз", – дейді Дидарбекова.

Ұлттық тестілеу орталығы 25 тамызға дейін арнайы бағдарламаның көмегімен барлық бейнежазбаға талдау жүргізетін болады.

Айта кетейік, 21 маусымда республика бойынша ұлттық бірыңғай тестілеу басталған болатын. Оған 6 186 талапкер қатысты. Оның 4 222-сі шекті балл жинаса, 1 964 талапкер шекті ұпайды жинай алмаған. Ал 39 адам 130 балдан жоғары ұпай жинады. Бұдан бөлек, тәртіп бұзған 164 талапкер анықталды.

Тағы да оқыңыздар

Гиннес рекордтар кітабына енген қазақстандықтар тізімі

"Жалпы, ұлттық бірыңғай тестілеудің соңғы нәтижелері тамыз айында нақты болады. Өйткені жаңа норма бойынша ұлттық тестілеу орталығы 25 тамызға дейін арнайы бағдарламаның көмегімен барлық бейнежазбаға талдау жүргізетін болады. Егер тест тапсырушының тыйым салынған заттарды пайдаланғаны анықталса, онда оның нәтижесі жойылады, сәйкесінше гранттың да нәтижесі жойылуы мүмкін", – деп атап өтті Дидарбекова.

Еске салсақ, бұған дейін білім және ғылым министрі Асхат Аймағамбетов биыл ҰБТ-ға бұрын-соңды болмаған жағдай жасалғанын айтқан болатын.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
ҰБТ-ның алғашқы күні ең жоғары балл жинаған түлектің есімі белгілі болды