Выйти
RU

Алматыда коронавирусты анықтайтын зертханалардың жұмысы күшейтілді

Рассказать в Telegram Рассказать Вконтакте

Алматы әкімінің тапсырмасы бойынша оңтүстік астанада коронавирустың таралуына жол бермеу жөніндегі комиссия құрылды. Аталған комиссия коронавирус инфекциясына қатысты қалыптасқан санитарлық-эпидемиологиялық жағдайды ескере отырып, COVID-19 таралуына жол бермеу үшін қосымша шараларды қабылдады деп хабарлайды KAZ.NUR.KZ қала әкімдігінің ресми сайтына сілтеме жасап.

Көрнекі фото: NUR.KZ / Петр Карандашов

Көрнекі фото: NUR.KZ / Петр Карандашов

Атап айтқанда, 22 маусымнан бастап зертханалардың қуаттылығы артады. Бүгінгі күні ПТР тексеріс алты арнайы мамандандырылған зертханаларда жүргізіледі. Тәуекел санатына жататын адамдар ғана тексерістен тегін өтеді. Сонымен қатар, ақылы түрде ПТР әдісімен тестден өтуге болады.

Сонымен қатар "Олимп" зертханасының жұмысы қайта қолға алынады. 24 маусымнан бастап "Нұрлы тау" бизнес орталығы жанындағы қоршаулы пункті бар зертхана жұмысын бастайды. Ал, 26 маусымда "АТАКЕНТ" ҚІЫО аумағындағы тәулігіне 1 мыңға жуық сынама алатын жетінші зертхана келушілерді қабылдай бастайды.

Аталған зертханада тәулігіне 5 мыңға дейін адам коронавирусқа тексеріле алады.

КВИ жұқтырған науқастарға медициналық көмек қолжетімді болуы үшін 22 маусымнан бастап жедел медициналық көмек аурханасының базасында бұрыннан бар 600 провизорлық орын жанына тағы да қосымша 300 орын қосылады. Бірқатар медициналық мекемелерді қосымша бейімдеу барысында инфекциялық төсектер саны артады.

Тағы да оқыңыздар

Петропавлда бес жасар бала коронавирус жұқтырды

Алматыда коронавирус инфекциясын жұқтырғаны расталған пациенттерді 9 инфекциялық стационар қабылдауда, бұларда 1409 науқас ем алып жатыр. Қазіргі кезде 14 науқастың жағдайы өте ауыр, 131 пациент ауыр жағдайда, ал 937 науқастың жағдайы орташа.

Бұлардан өзге, көпбейінді стационарлар штатты режимде жұмыс жасауда, олар науқастарды тәулік бойына, тіпті жедел түрде қабылдайды.

Өкпенің қабынуы (пневмония) диагнозын дер кезінде анықтау үшін компьютерлік томографиялық тексеруді ұсынатындардың реестрі жасалды. Олардың арасында мемлекеттік клиникалармен қатар жеке медициналық қызмет көрсететіндер де бар. Тағы 2 компьютерлік томография қосымша сатып алынды. Қаланың барлық емханаларында рентгенография кабинеттері жұмыс істеуде.

Халықпен кері байланысты қамтамасыз ету үшін қалада Қоғамдық денсаулық басқармасының бірыңғай байланыс орталығы жұмыс істеуде, оған 3000-103 нөмірі арқылы хабарласуға болады, бұл байланыс емханалардың call-орталықтарымен бір желіде.

Вирус белгілері жоқ адамдардың жағдайының ауыр немесе жеңіл екенін анықтау үшін мониторинг жүргізіледі. Бұл іспен әр емханадағы арнайы оқудан өткен мобильді бригада айналысады. Соның арқасында тұрғындарға сапалы медициналық көмек көрсетілуде.

Қаланың барлық медициналық ұйымдары қажетті дәрілермен қамтамасыз етілген. Олардың жеткілікті қоры бар.

"Жүзеге асып жатқан осынау қосымша пәрменді шаралар COVID-19-ға қарсы күрестің тиімділігін арттырып, жағдайды тұрақтандыруға оң ықпалын тигізетін болады", - дейді қала әкімдігінен.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Алматыда коронавирусты анықтайтын зертханалардың жұмысы күшейтілді