Выйти
RU

22:00-ден 06:00-ге дейін жүруге болмайды: Ақмола облысында карантин күшейтіледі

Рассказать в Telegram Рассказать Вконтакте

Ақмола облысының бас санитарлық дәрігері Айнагүл Мусина өңірде карантин шаралары күшейтілетінін мәлім етті деп хабарлайды KAZ.NUR.KZ порталы Coronavirus2020.kz telegram-арнасына сілтеме жасап.

Көрнекі фото: NUR.KZ / Петр Карандашов

Көрнекі фото: NUR.KZ / Петр Карандашов

Атап айтқанда, 24 маусымнан бастап облыс бойынша:

  • іс-шаралар, форумдар, көрмелер, конференциялар, семинар, симпозиумдар, сондай-ақ отбасылық, естелік және өзге де бұқаралық іс-шаралар өткізуге;
  • ойын-сауық орталықтарының, кинотеатрлардың, театрлардың, көрмелердің және адамдар көп жиналатын басқа да объектілердің қызметіне тыйым салынды.

Сондай-ақ Ақмола облысының бас санитарлық дәрігері мәлім еткендей, пациенттерді стационарларға жоспарлы жатқызу, скринингтер және профилактикалық тексеру тоқтатылды.

Медициналық ұйымдарда, қарттар мен мүмкіндіктері шектеулі адамдарға арналған медициналық-әлеуметтік объектілерде, сәбилер үйлерінде, балалар үйлерінде, әлеуметтік оңалту орталықтарында, мүгедек балаларға арналған оқу орындарында, интернат үлгісіндегі карантин және санитарлық-дезинфекциялық режимді сақтау режимі енгізілді.

Бұдан бөлек, 65 жастан асқан адамдарға үйден шығуға шектеу қойылған, саябақтарда серуендеуге, туысқандарына баруға, сондай-ақ отбасылық іс-шаралар өткізуге тыйым салынды.

Көкшетау мен Степногорск қалаларының айналасында карантиндік аймақтың периметрі орнатылады және блок-бекет орнатумен, кіру/шығу пункттері анықталады. Қалаларға белгілі бір санаттағы тұлғалар ғана кіре алады.

Сағат 22: 00-ден 06:00-ге дейін Көкшетау, Степногорск қалаларының аумағында тұрғындардың және автокөліктердің жүруіне тыйым салынады.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
22:00-ден 06:00-ге дейін жүруге болмайды: Ақмола облысында карантин күшейтіледі