Выйти
RU

Алматыда науқастарды жоспарлы қабылдау тоқтатылды

Рассказать в Telegram Рассказать Вконтакте

Оңтүстік астанада науқастарды жоспарлы қабылдау, қарау, тіпті, жоспарлы стоматологиялық көмек көрсету тоқтатылды деп хабарлайды KAZ.NUR.KZ қаланың қоғамдық денсаулық басқармасының баспасөз қызметіне сілтеме жасап.

Көрнекі фото: NUR.KZ / Петр Карандашов

Көрнекі фото: NUR.KZ / Петр Карандашов

Денсаулық сақтау министрлігінің «COVID-19 коронавирусының симптомсыз түріне шалдыққан науқастарға амбулаториялық бақылауды ұйымдастыру туралы» бұйрығына сәйкес, Алматыда науқастарды жоспарлы қабылдау, сондай-ақ профилактикалық қарау, скрининг және медициналық оңалтудың үшінші кезеңі тоқтатылды.

Сонымен қатар, қала тұрғындарына жоспарлы стоматологиялық көмек, білім алушылардың денсаулығын қорғау бойынша қызметтер көрсетілмейді, салауатты өмір салтын насихаттайтын іс-шаралар өткізілмейді.

Бұдан бөлек, психологиялық көмек пен медициналық-әлеуметтік қолдау, ақылы медициналық тексеру мен медициналық-әлеуметтік сараптамаға құжат рәсімдеу уақытша тоқтатылады.

Қабылданған шаралардың қашанға дейін созылатыны белгісіз. Олардың мерзімі эпидемиологиялық жағдайға байланысты болмақ.

Еске сала кетейік, бұған дейін Нұр-Сұлтан билігі соңғы күндері қаладағы коронавирусқа қатысты жағдайдың ушығуына байланысты қалалық емханаларды жабу туралы шешім қабылдаған болатын.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Алматыда науқастарды жоспарлы қабылдау тоқтатылды