Выйти
RU

Ажар Ғиният денсаулық сақтау вице-министрі қызметіне тағайындалды

Рассказать в Telegram Рассказать Вконтакте

Үкімет қаулысымен Ажар Ғиният Қазақстан Республикасы денсаулық сақтау вице-министрі лауазымына тағайындалды. Бұл туралы KAZ.NUR.KZ премьер-министрдің ресми сайтына сілтеме жасап хабарлайды.

Ажар Ғиният денсаулық сақтау вице-министрі болып тағайындалды

Ажар Ғиният. Фото: Премьер-министр сайты

Ажар Ғиният 1969 жылы Батыс Қазақстан облысында дүниеге келген.

1992 жылы Ақтөбе мемлекеттік медицина институтын «дәрігер-педиатр» мамандығы бойынша, 2007 жылы Ш. Есенов атындағы Ақтау мемлекеттік университетін «мемлекеттік және жергілікті басқару менеджері» мамандығы бойынша, 2015 жылы Алматы менеджмент университетін «МВА іскерлік әкімшілендіру магистрі» мамандығы бойынша тәмамдаған.

Еңбек жолын 1993 жылы Атырау қаласының №2 қалалық емханасында учаскелік педиатр болып бастаған.

1994 жылдан 1999 жылға дейін — Ақтау қаласының №1 медициналық санитарлық бөлімінің меңгерушісі.

1999-2001 жылдары — Маңғыстау жұқпалы аурулар ауруханасының бас дәрігерінің емдеу ісі жөніндегі орынбасары.

2001-2005 жылдары — Маңғыстау облысының Денсаулық сақтау басқармасы басшысының орынбасары.

2005-2006 жылдары — Маңғыстау облысы денсаулық сақтау департаментінің директоры.

2008-2017 жылдары — ҚР Денсаулық сақтау министрлігінің басқарма басшысы, департамент директоры.

2017 жылғы қыркүйектен бастап қазіргі таңға дейін ҚР Президенті Іс басқармасының Медицина орталығы басшысының орынбасары қызметін атқарды.

Айта кетейік, Марат Шоранов осыған дейін денсаулық сақтау министрінің бірінші орынбасары қызметіне тағайындалды.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Ажар Ғиният денсаулық сақтау вице-министрі қызметіне тағайындалды