Выйти
RU

Тоқаев автомобиль тасымалына қатысты заңға қол қойды

Рассказать в Telegram Рассказать Вконтакте

Президент Қасым-Жомарт Тоқаев "Автомобиль көлігі туралы" заңға толықтыру енгізу жөніндегі құжатқа қол қойды деп хабарлайды KAZ.NUR.KZ порталы Ақорданың баспасөз қызметіне сілтеме жасап.

Көрнекі фото: pixabay.com

Көрнекі фото: pixabay.com

"Мемлекет басшысы "Автомобиль көлігі туралы" Қазақстан Республикасының Заңына халықаралық автомобиль тасымалдарын қадағалап отыру мәселелері бойынша толықтырулар енгізу туралы" Қазақстан Республикасының Заңына қол қойды", - делінген хабарламада.

Заңның мәтіні баспасөзде жарияланады.

ЕАЭО аумағында халықаралық тасымалды жүзеге асыратын алты мыңнан астам жүк көлігі жіті бақыланатын болды. Бұған дейін тиісті заңды парламент қабылдады.

Толықтырулар аясында елге заңсыз транзиттік тауардың кіруіне тосқауыл болатын жүйе пайда болады. 

Құжат парламентте қаралған кезде депутаттар Қазақстанға транзит ретінде кіріп, заңсыз елде қалатын көліктер жиі кездесетінін алға тартқан болатын. Кейін көліктегі тауар Қазақстанда заңсыз сатылады. Салдарынан салықтар төленбей, көлеңкелі экономика пайда болады.

Тасымалдаушылар электронды идентификаторды (навигациялық пломба) қолдануға міндеттеледі. Сондай-ақ, Қазақстан үкіметі халықаралық тасымалды қадағалаушы ұлттық операторды анықтау бойынша өтемақы алады.

6200 жосықсыз тасымалдаушы жіті қадағаланатын болады. Бұл Еуразиялық кеңістікте жүзеге асырылатын тасымалдар санының 6 процентіне тең.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Тоқаев автомобиль тасымалына қатысты заңға қол қойды