RU

Елімізде ПТР тест неліктен тым қымбат: Министрлік жауап берді

Денсаулық сақтау вице-министрі ОКҚ-да өткен брифингте коронавирустың бар-жоғын анықтайтын ПТР тестілерінің неліктен қымбат екенін түсіндірді деп хабарлайды KAZ.NUR.KZ.

Денсаулық сақтау министрлігі ПТР тесттердің неліктен қымбат болып келетінін түсіндірді
Фото: KAZ.NUR.KZ: UGC

Людмила Бюрабекова осы уақыттағы Covid-19 жағдайы туралы айтты. Оның сөзінше, коронавирус инфекциясын жұқтырғандардың саны 41 мыңнан асқан.

Сондай-ақ, ауру белгілері жоқ вирус жұқтырғандар да статистикаға енгенін мәлімдеді.

Кеше ОКҚ-да өткен брифингте Денсаулық сақтау министрлігінің басшысы министрлер кабинетінен 1,2 миллион ПТР сынақтарын сатып алуға бір миллиардқа жуық теңге бөлінгенін хабарлады.

"Егер бір миллиард теңгені сатып алынатын тестер санына бөлсек, тест-жүйенің өзіндік құны 833 теңгені құрайды, онда неге бір ПТР-тест үшін адамдар 11-ден 20 мың теңгеге дейін ақша төлеуі керек?"- деген сұрақ қойды журналистер.

Сауалға жауап ретінде Денсаулық сақтау министрлігінің өкілі зертханаларда төлем ПТР сынағы үшін емес, ПТР-тест қызметі үшін төленетінін хабарлады.

Бұл процедура тек тестілеу жүйесінің өзін ғана емес, сонымен бірге зерттеуді жүргізу үшін қажет шығын материалдарын да қамтиды.

  • Оған реагенттер де, 40-қа жуық зертханалық өнімдер, кеңестер, биоматериал жинауға арналған зонттар, пробиркалар кіреді.

Қызметтің ақырғы құнына медициналық персонал үшін қорғаныс құралдарын сатып алу және жалақы шығындары да кіреді.

"Бұл қызмет үшін төленетін кешен, сондықтан құны 11 мың теңгеден басталды", - деді ол.

Естеріңізге сала кетейік, бұған дейін қазақстандық өндірушілер ПТР-тесттердің шын мәнінде қанша тұратынын хабарлаған еді.

Оригинал статьи: https://kaz.nur.kz/1862943-ministrlik-ptr-test-nelikten-tym-kymbat-ekeni-tsindirdi.html