RU

Нью-Йоркте бірнеше қабатты ғимарат опырылып қалды

Нью-Йоркте үш қабатты ғимарат құлады. Оқиға Бруклиндеги Кэрролл Гарденс аймағында болған деп хабарлайды KAZ.NUR.KZ New York Post газетіне сілтеме жасап.

Нью-Йоркте бірнеше қабатты ғимарат құлады (видео)
Фото: New York Post: UGC

36 жыл бойы құлағанғимаратта элиталық спорт зал болған. Абырой болғанда, коронавирус пандемиясына байланысты ол бос тұрған.

Куәгерлер алдымен қатты дауысты естіп, содан кейін біреулердің айқайлағанын айтқан. Олардың сөзінше, ғимарат жермен жексен болған. Белгілі болғандай, аталмыш нысан күрделі жөндеуден өтіп жатқан.

Оқиға салдарынан бір адам зардап шеккен, ол жеңіл жарақат алған.

Сонымен қатар желіде оқиға орнынан түсірілген видео да пайда болды. Кадрлардан ғимараттың сау-тамтығы қалмағанын, оған жақын тұрған үй тіпті зардап шекпегенін байқауға болады.

Ғимарат енді қалпына келтірілмейді.

Естеріңізге сала кетейік, бұған дейін Қытайда алты қабатты қонақ үй опырылып құлағанын хабарлаған едік.

Оқиға Цюаньчжоу қалалық округінің Личэн ауданындағы Xinjia Express қонақ үйіінде болған.

Онда коронавирус жұқтырғандармен байланыста болған адамдар карантиннен өтіп жатқан

Мақаланың түпнұсқасы: https://kaz.nur.kz/1863077-nu-jorkte-birnese-kabatty-gimarat-opyrylyp-kaldy.html