Выйти
RU

Атыраулықтар медицина қызметкерлеріне күнделікті түскі ас таратуда

Рассказать в Telegram Рассказать Вконтакте

Ақ халатты абзал жандардың көңілін ауламақ ниетте жасалған игі іске атыраулықтар мен жергілікті кәсіпкерлер қолдау көрсетіп, қаражат жинаған. Ұйымдастырылған акция аясында 650 медицина қызметкеріне ыстық тамақ берілді деп хабарлайды KAZ.NUR.KZ порталы облыстық коммуникациялар қызметіне сілтеме жасап.

Көрнекі сурет: pexels.com

Көрнекі сурет: pexels.com: Facebook

Қайырымдылық шараға мұрындық болған "KomekAtyrau" қоғамдық бірлестігінің жетекшісі Еркебұлан Серікқалиевтің айтуынша, ыстық тамақ облыс орталығындағы медициналық мекемелерге кезекпен жеткізілуде.

"Кейде өзіміз қарбалас кезеңде түскі ас ішуді ұмытып кетіп жатамыз. Ал, індетпен күресіп жатқан осындай қиын кезеңде дәрігерлердің тамақ туралы ойлауға уақыттары да жоқ. Десе де, оларға күш керек, халықтың қолдауы да аса маңызды. Сол себепті бұл бастаманы жүзеге асырып отырмыз. Бүгін акциямыздың алтыншы күні", - дейді Еркебұлан Серікқалиев.

Тағы да оқыңыздар

"Кейде эмоцияға ерік береді": Жеңіс Қасымбек дәрігерлер үшін кешірім сұрады

Айта кетейік, осыған дейін облыс тұрғындары мен жергілікті кәсіпкерлердің қолдауымен "KomekAtyrau" қоғамдық бірлестігі 300 отбасын тамақпен қамтамасыз етті.

Сондай-ақ 2 мүмкіндігі шектеулі жанның отбасына және шалғай ауылдардағы әлеуметтік аз қамтылған отбасыларға қаржылай көмек көрсеткен.

Еске сала кетсек, бұған дейін Алматыдағы уақытша карантиндік аурухана орналасқан наркологиялық диспансердің алдына науқастардың көп келуіне байланысты ондаған жедел жәрдем көліктерінен кептеліс пайда болғанын жазғанбыз.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Атыраулықтар медицина қызметкерлеріне күнделікті түскі ас таратуда