RU

"Уақыт пен паника": Асхат Садырбай коронавирус жұқтырғандарға кеңес берді

Белгілі журналист Асхат Садырбай коронавирус жұқтырған адамдарға кеңес берді деп хабарлайды KAZ.NUR.KZ.

"Уақыт пен паника": Асхат Садырбай коронавирус жұқтырған адамдарға кеңес берді
Фото: Ernur.kz: Facebook

Бұл жайында журналист өз Facebook парақшасында жазды.

"Ең басты 2 ереже! Уақыт пен паника...

1. Көп адам уақыт жоғалтып алып жатыр. Есіңізде болсын, қазір уақыт жоғалтпай тез қимылдау, бірден емделуге әрекет жасау керек. Күттірудің қажеті жоқ. Жәй тұмау ғой, суық тиген шығар деп өзіңізді өзіңіз алдамаңыз. Бұл вирустан қашып құтылу мүмкін емес. Өлгіңіз келмесе емделуге асығыңыз. Түсінемін, дәрі жоқ, ауруханалар тола. Барлық амалды қарастырыңыз.

2. Паникаға берілмеңіз. Вирус жұқтырсаңыз, өлдіңіз деген сөз емес. Бұл вирустан жазылып кетіп жатқандар көп. Дер кезінде ем шараларын дұрыс істеп, өзіңізді түтіп жемей жігерлендіріп, қамшылаңыз. Негатив ақпараттар мен пессимистік ойларды ойламаңыз. Мүмкіндік болса, әлеуметтік желіге мүлдем кірмеңіз. Бір Алладан шипа сұраңыз. Жақсы боларына, жазылатыныңызға сеніңіз!

Төрт көзіміз түгел аман болайықшы.
Көрші үйдің алдына жедел жәрдем келіп тұр. Көк-қызыл жарығы жарқырап терезеге түсті. Содан оянып кетіп жазғаным ғой. Кім болса да аман болсыншы", -деп жазды ол.

Айта кетейік, осыған дейін танымал журналист Айдос Жұқанұлы екіжақты пневмонияға шалдыққан анасына қандай шектеу қойғанын айтқан еді. Ол жақындарына той-томалаққа баруға тыйым салған.

Мақаланың түпнұсқасы: https://kaz.nur.kz/1863303-uakyt-pen-panika-ashat-sadyrbaj-koronavirus-zktyrgandarga-kees-berdi.html