RU

Ақтаулық студент Ресейден туған жеріне төрт күн автостоппен жүріп келген (видео)

Рассказать в Telegram Рассказать Вконтакте

Ақтаулық Эльдар Мисриев есімді студент Ресейдің Краснодар қаласынан үйіне дейін төрт күн автостоппен жүріп келген. Жас жігіт 2100 шақырым жолды қалай бағындырғанын видеоға түсіріп алған деп хабарлайды KAZ.NUR.KZ Lada.kz-ке сілтеме жасап.

Ресейден Қазақстанға төрт күн жаяу жүрген студент жұртты таңғалдырды

Фото: Видеодан кадр: UGC

Ақтаулық жігіт саяхат-блог түсіру туралы идеяның коронавирус індетінің салдарынан туындағанын айтады. Эльдардың сөзінше, оған дейін мұндай видеоны ешкім түсірмеген.

"Мен тек Қалмақия аумағы арқылы ғана жаяу жүрдім. Ол жазық далада елді мекендер кездесе бермейді, көмек беретін ешкім болған жоқ. Бірақ табиғаты әдемі болған соң жаяу серуендеуге бел будым. Элистаға жақындаған сайын, көліктер легі көбейді" , - деді Эльдар Мисриев.

Студенттің айтуынша, оған 2100 шақырымды жүріп өтуге көтеріңкі көңіл күй мен өзіне деген сенімділік көмектескен.

Тағы да оқыңыздар

Дене қызуы көтерілсе де қыз ұзатпақ болған ару елдің қаһарына ұшырады (фото)

"Саяхаттауға бірер күн қалғанда ғана диплом қорғап шыққанмын. Мұның студент үшін қаншалықты маңызды екенін білесіз бе? Қуаныштан болар, әйтеуір Ақтауға дейін жаяу жүріп өттім. Жолда жаман адамдарды кездестірмейтініме сенімді болдым. Әрине, барлығы бірдей керек жеріме апарып тастауға ниет білдірген жоқ. Десе де, мені қолдағандар да аз болмады", - дейді ол.

Жігіттің сөзінше, ол Қазақстан аумағына жақындаған кезде көліктер ағыны бәсеңдеген, сол себепті оның жолына тек жүк көліктері жолығыпты. Жол жөнекей Эльдарды полиция қызметкерлері тоқтатқан. Сол кезде жігіт Краснодардан келе жатқанын айтыпты. Содан кейін тәртіп сақшылары жүк көліктерін тоқтатып, олардың бағытын сұрап, студентке көмектесуін өтініпті.

"Полиция қызметкерлеріміз өздерін жақсы қырынан көрсетті. Олар маған түнейтін жер беріп, тамақтандырды", - деді Эльдар.

Тағы да оқыңыздар

"Малмыз": Отандық журналист жауапкершілігі жоқ адамдарды сынның астына алды

Айта кету керек, студент алдағы уақытта блог түсіруді жалғастыруда.

Естеріңізге сала кетейік, Жапониядан Қазақстанға дейін үш жыл жаяу жүрген саяхатшының елордаға жеткені туралы жазған едік.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Ақтаулық студент Ресейден туған жеріне төрт күн автостоппен жүріп келген (видео)