Выйти
RU

Алматыда полиция сүйіктісімен ұрсысып, көпірден секірмекші болған жігітті құтқарды

Рассказать в Telegram Рассказать Вконтакте

Алматыда полиция қызметкерлері сүйіктісімен жанжалдасып қалып, өз-өзіне қол салмақ болған 26 жастағы Қызылорда тұрғынын аман алып қалды деп хабарлайды KAZ.NUR.KZ zakon.kz-ке сілтеме жасап.

Алматыда полиция сүйіктісімен ұрсысып, көпірден секірмекші болған жігітті құтқарды

Фото: Алматы ПД баспасөз қызметі: UGC

Алматы полиция департаментінің баспасөз қызметінің хабарлауынша, шамамен сағат 12:15-те Алматы қаласы ПД әкімшілік полиция басқармасының мамандандырылған батальонының бригадасы Халиулин көшесінің оңтүстік бойымен келе жатып, Құлжа тас жолында көпірден секірмек болған жас жігітті байқады.

"Менің серіктесім - полиция лейтенанты Жандос Дүйсенбеков бірінші болып әрекет етті, ол адамға қарай жаяу жүріп, уақытты зая кетірмей, онымен мұқият тілдесуге кірісті. Мен басқа жақтан шықтым. Алыстан сөйлесіп тұрғанда біз жас жігіттің сүйіктісімен ұрсысып қалғаны үшін осындай қадамға бармақ екенін білдік.
Серіктесім екеуіміз оның көңілін аулап жатқан кезде жанымыздан өтіп бара жатқан жүргізушілердің бірі оның артынан келіп, ұстап алды. Айта кету керек, жүргізуші бізді сырттай бақылап, көмек керек екенін түсініпті. Сосын бізбен ишара арқылы тілдесіп, ер жігіт ұстап қалуға тәуекел етті. Оған көп рақмет", - дейді Алматы қалалық жол полициясы басқармасының мамандандырылған батальонының инспекторы Ермек Меңғалиев.

Тағы да оқыңыздар

Ақтаулық студент Ресейден туған жеріне төрт күн автостоппен жүріп келген (видео)

Сондай-ақ, полиция қызметкерлері өз-өзіне қол салмақ болған жігіттің жағдайы жақсы екенін, оған психологиялық көмек көрсетілгенін атап өтті.

Айта кетейік, бұған дейін Өскеменде өз-өзіне қол салмақ болған ер адамды арнайы мамандар құтқарып қалғанын жазған едік.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Алматыда полиция сүйіктісімен ұрсысып, көпірден секірмекші болған жігітті құтқарды