Выйти
RU

Мемлекет басшысы бірқатар заңға қол қойды

Рассказать в Telegram Рассказать Вконтакте

Қазақстан президенті Қасым-Жомарт Тоқаев бүгін бірнеше заңға қол қойды деп хабарлайды KAZ.NUR.KZ Ақордаға сілтеме жасап.

njrftd

Қасым-Жомарт Тоқаев. Фото: Ақорда/архив: Depositphotos

Мемлекет басшысы «Қазақстан Республикасының кейбір заңнамалық актілеріне шетел валютасындағы ипотекалық қарыздар, көрсетілетін төлем қызметтері нарығының субъектілерін реттеуді жетілдіру, жалпыға бірдей декларациялау және экономикалық өсуді қалпына келтіру мәселелері бойынша өзгерістер мен толықтырулар енгізу туралы» заңға қол қойған.

Sputnik Қазақстан агенттігінің жазуынша, бұл заңға сәйкес, банктерге жеке тұлғалардың валюталық ипотекалық қарыздарын конвертациялау құқығы беріледі. Конвертация 2015 жылдың 18 тамызындағы бағам бойынша қарыз алушының өтінішінсіз жасалуы мүмкін. 

Бұдан бөлек, енгізілген толықтырулар елден капиталдың шығарылуы тәуекелін азайтуды қарастырады.

Қолданушыларды сәйкестендіруге қатысты жаңа талаптар енгізіледі. Анонимді электронды әмияндар арасында аударым жасауға тыйым салынады. Операция сомасының мөлшеріне шектеу қойылады.

Тағы да оқыңыздар

Қазақстанда қатаң карантин енгізу туралы бас санитар дәрігердің қаулысы шықты

Өзгертулер қолма-қол ақша айналымының ашық болуына және төлем қызметін қолданушылар құқығын қорғауды күшейтуге жағдай жасайтыны айтылып отыр.

Сондай-ақ, мемлекет басшысы «Қазақстан Республикасының кейбір заңнамалық актілеріне мемлекеттік қызмет мәселелері бойынша өзгерістер мен толықтырулар енгізу туралы» және «Қазақстан Республикасының кейбір заңнамалық актілеріне аудиторлық қызмет мәселелері бойынша өзгерістер мен толықтырулар енгізу туралы» заңға қол қойды.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Мемлекет басшысы бірқатар заңға қол қойды