RU

Санитайзер сатып, ақша тапқан ерлі-зайыптылар таңғалдырды

Ұлыбританиядан шыққан Эндрю мен Рэйчел Монтегю есімді ерлі-зайыптылар 12 апта бұрын елде карантин басталғанда санитайзер сатумен айналыса бастаған. Ал араға үш ай салып қос ғашық 30 млн фунт стерлинг пайда тапқан деп хабарлайды KAZ.NUR.KZ Life.ru-ге сілтеме жасап.

Санитайзер сатып, ақша тапқан ерлі-зайыптылар таңғалдырды
Фото: twitter.com/DailyMirror: UGC

Төрт баланың ата-анасы пандемияға дейін кішігірім кәсіппен ғана айналысып жүріпті.

Ал коронавирус инфекциясы пайда болған кезде олар халық үшін пайдалы болар жолмен ақша табуды жөн көріп, ClearWater Hygiene атты компанияны құрған.

Олар санитайзерлер сатумен айналысатын болып шешіпті. Бүгінгі таңда фирма апта сайын 900 000 литр өнім өндіреді.

"Наурыз айында карантин жарияланғаны туралы жаңалық пайда болғанда Ұлыбританияда өндірілетін өнімдерге аса назар аудару керек екенін түсіндік. Осылайша, біз медициналық мекемелер мен жекеменшік кәсіпорындарды індетке қарсы сапалы өніммен қамтамасыз ете алдық", - дейді олар.

Ерлі-зайыптылар өз қызметін жергілікті Deeside Jin ішімдік зауытында ұйымдастырды. Ал санитайзердің өзі Англиядағы басқа зауытта бөтелкелерге құйылады.

Естеріңізге сала кетейік, бұған дейін ерлі-зайыптылардың карантин кезінде үйінің ауласынан бар ашып алғанын хабарлаған болатынбыз.

Мақаланың түпнұсқасы: https://kaz.nur.kz/1863715-sanitajzer-satyp-aksa-tapkan-erli-zajyptylar-tagaldyrdy.html