RU

Петропавлда 18 жастағы бойжеткен есірткімен ұсталып қалды

Петропавлда 18 жастағы бойжеткен есірткі қылмысын жасады деген күдікке ілінді деп хабарлайды KAZ.NUR.KZ ҚазАқпаратқа сілтеме жасап.

Петропавлда 18 жастағы бойжеткен есірткімен ұсталып қалды
Көрнекі фото: sputniknews.kz: Depositphotos

СҚО Полиция департаменті баспасөз қызметінің мәліметінше, петропавлдық бойжеткеннен полицейлер 40 граммға жуық мефедрон синтетикалық есірткі тәркілеген.

Әсері күшті әрі аса қауіпті есірткінің бұл түрі Солтүстік Қазақстан облысында алғаш рет анықталып отыр.

«Сотқа дейінгі тергеп-тексеру барысында жедел іс-шаралар, оның ішінде күдіктінің тұрғылықты жері бойынша тінту жүргізілді. Пәтерде есірткіге ұқсас зат салынған түйіншек табылды. Жүргізілген сот-химиялық сараптама заттың мефедрон екенін растады», - деді СҚО Полиция департаменті Есірткі қылмысына қарсы іс-қимыл басқармасының бастығы Жандос Басыбаев.

Сондай-ақ, полицейлер пәтерден буып-түйетін материалдарды, ноутбуктарды, таразыны және басқа да есірткі кәсібін растайтын заттарды анықтаған.

Тәртіп сақшыларының айтуынша, сотқа дейінгі тергеу материалдарынан күдіктінің бірнеше ай бойы интернет-дүкен арқылы есірткі сатып алып, өзі аса қауіпті затты саудалағаны әшкере болыпты.

Қазіргі уақытта сот сараптамасы тағайындалды.

Мақаланың түпнұсқасы: https://kaz.nur.kz/1864038-petropavlda-18-zastagy-bojzetken-esirtkimen-stalyp-kaldy.html