Қостанай әкімі де коронавирус жұқтырған болып шықты

Қостанай қаласының әкімі Қайрат Ахметовтен Covid-19 анықталды. Бұл туралы ол өзінің Instagram-дағы ресми парақшасында мәлімдеді деп хабарлайды KAZ.NUR.KZ.

Әкімнің айтуынша, ол қауіпсіздік шараларын қатаң сақтаған. Алайда, бұл оған коронавирус жұқтырудың алдын алуға көмектеспеді. Сараптама нәтижесі оның ағзасында вирустың барын растады.

Қайрат Ахметов өзін-өзі оқшаулау туралы шешім қабылдағанын айтты. Алайда ол жұмысын қашықтан жалғастыра береді.

Қостанай қаласының әкімі азаматтарды міндетті ережелерді сақтауға шақырды. Ол қазір адамдардың басты міндеті - шыдамды болу және тазалық сақтау екенін атап өтті. Бұл өзіңізді және жақындарыңызды аурудан қорғау үшін қажет.

Қала басшысы адамдарды өзіне және отбасына қамқор болуға шақырды.

Бұған дейін облыс әкімі Архимед Мұхамбетовтың коронавирус жұқтырғаны белгілі болды. Ол сонымен қатар барлық қауіпсіздік шараларын сақтауға тырысқанын, бірақ ауру оған да әсер еткенін айтты. Осыдан кейін Қостанай облысының басшысы оқшаулау туралы шешім қабылдады.

7 шілдеде Архимед Мұхамбетовтың осы аурудан айыққаны белгілі болды. Оның коронавирусқа тапсырған сынамасы теріс нәтиже көрсетті. Шенеунік дәрігерлерге еңбекқорлығы үшін алғыс білдірді.

Естеріңізге сала кетейік, Семей әкімінің коронавирустан жазылып шыққанын хабарлаған болатынбыз.