RU

Әйнегі сынған ұшақты лезде қондырған ұшқыш жолаушыларды аман алып қалды

Қытайлық Ruili Airlines әуе компаниясының ұшқышы ұшақтағы әйнектің сынуына байланысты шұғыл жерге қонып, жолаушыларды құтқаруға мәжбүр болды деп хабарлайды KAZ.NUR.KZ Lenta.ru-ға сілтеме жасап.

Әйнегі сынған ұшақты қондырған ұшқыш жолаушыларды аман алып қалды
Көрнекі фото: pixabay.com: UGC

Басылымның мәліметінше, Boeing 738 ұшағы Қытайдың Сиань қаласынан Куньминге бағыт алған. Жарты сағат әуеде қалықтағаннан кейін экипаж әйнектің сынғанын байқапты.

Содан кейін ұшқыштар тез арада Чунцинге қонуға мәжбүр болған. Радарлардан алынған ақпаратқа сәйкес, ол кезде ұшақ 9,4 мың метр биіктікте болған және күрт төмендеп, ұшуы баяулай бастаған. Ұшқыштар алты минут ішінде 3,8 мың метрге төмендеген.

Нәтижесінде әуе кемесінің командирі ұшақты жерге сәтті қондыра алған.

Бұл жайттан жолаушылар мен экипаж мүшелері зардап шекпеген. Әуежай инженерлері қонғаннан кейін әйнектің не себепті сынғанын анықтау үшін әуе кемесін қосымша тексерістен өткізген.

Естеріңізге сала кетейік, бұған дейін 39 жастағы азаматтың қайтыс болуына бірнеше минут қалғанда анасына селфи жібергені туралы жазған едік.

Даниэль Шедд университетте бірге оқыған үш досымен бірге төрт орынды бір моторлы ұшақпен ұшпақшы болды. Алайда әуеге көтерілгеннен кейін бес минуттан соң ұшақ Иллинойс штаты Карлинвилль қаласының маңында құлаған екен.

Салдарынан барлық жолаушылар қайтыс болған.

Мақаланың түпнұсқасы: https://kaz.nur.kz/1864129-jnegi-syngan-sakty-lezde-kondyrgan-skys-zolausylardy-aman-alyp-kaldy.html