Қазақстанда дәрі-дәрмек бағасын көтергендерге қандай жаза қарастырылған

Қазақстанда коронавирус індеті мен пневмония өршіп тұрған уақытта дәрілердің бағасын көтеру жағдайлары жиілеп кетті. Осы орайда Нурфин журналистері заңға бағынбай, препараттарды бірнеше есе қымбатқа сатқандарды қандай жаза күтіп тұрғанын анықтады.

Денсаулық сақтау министрлігі әр алты ай сайын дәрі-дәрмектертің шекті бағаларын белгілейді.

Алайда коронавирус пен пневмония елімізде өршіген тұста көптеген дәріханаларда препараттардың бағасы күрт көтерілген.

Осыған дейін 30-100 теңгеге сатылған қарапайым "аспирин" 200-500 теңгеге бағаланса, "парацетамолдың" құны 300-400 теңгеге жеткен. Бұрын аталған дәрі 50-150 теңге тұрды.

Бұндай жағдайларда жаза "Әкімшілік құқық бұзушылық туралы" кодекспен реттеледі.

Егер құқық бұзушының әрекеті адам денсаулығына зиян келтірмесе, дәрі-дәрмектердің бағасын көтеру үшін келесі айыппұлдар қарастырылған:

• жеке тұлға үшін - 70 АЕК немесе 194 460 теңге,
• лауазымды тұлға үшін - 100 АЕК немесе 277 800 теңге,
• шағын бизнес үшін - 130 АЕК немесе 361 140 теңге,
• орта бизнес үшін - 200 АЕК немесе 555 600 теңге,
• ірі бизнес - 1 000 АЕК немесе 2,778,000 теңге.

Айта кету керек, алыпсатарлар лицензиясы жоқ дәрі-дәрмектерді сатқаны үшін осындай қызметке бөлек жауапкершілік алады:

• бес АЕК немесе заңсыз фармацевтикалық қызмет үшін 13 890 теңге,
• фармацевтикалық қызмет ережелерін бұзғаны үшін 70 АЕК немесе 194 460 теңге.

Денсаулық сақтау министрлігінің мәліметінше, DARI.KZ мобильді қосымшасы арқылы дәріханалардағы препараттардың бағасын жылдам салыстыруға және шағымдануға болады.

Еске сала кетсек, осыған дейін Шымкент тұрғыны тегін таратылуы тиіс дәрілерді сатып келгені анықталған болатын.