RU

Министрлік қызыл түсті зат шашқан ұшақ түсірілген видеоға түсініктеме берді

ұшақ
Видеодан кадр: UGC

Желіде қызыл түсті белгісіз затты шашып жүрген ұшақтың видеосы пайда болды. Оқырмандар әуе кемесінің еліміздің аумағынан ұшып өткенін айтып, бейнежазбаны қызу талқылауда. Алайда билік бұл ақпаратты жоққа шығарды деп хабарлайды KAZ.NUR.KZ Ақпарат және қоғамдық даму министрлігінің Telegram арнасына сілтеме жасап.

Министрлікте атап өтілгендей, видео желіде пайда болды. Онда белгісіз қызыл түсті затты шашып жүрген ұшақ бейнеленген. Бұл біздің еліміздің аумағында болған деген болжам жасалды.

Алайда министрлік бұл ақпаратты жоққа шығарды. Қазақстан билігі кадрдағы ұшақтың АҚШ-қа тиесілі болуы мүмкін екенін анықтады. Жазбада анық көрінетін зат өртке қарсы күрес кезінде қолданылады.

Ақпарат және қоғамдық даму министрлігі заңға сәйкес жалған ақпарат жібергені үшін жауапкершіліктің барын еске салды. Олар адамдардан тек ресми деректерге сенуді сұрады.

Бірнеше күннен бері әлеуметтік желілерде елдің әртүрлі аймақтарында ұшақтардың белгілі бір заттарды шашқаны туралы жалған хабарламалар пайда болды.

Кейбіреулер мұны тіпті, вирус деп атап, балаларды сыртқа жібермеу керек екенін алға тартты. Дегенмен бұл жалған хабарламалардың авторлары табылып, жауапкершілікке тартылған.

Мақаланың түпнұсқасы: https://kaz.nur.kz/1864432-ministrlik-kyzyl-tsti-zatty-sasyratkan-sak-turaly-videoga-tsinikteme-berdi.html