Top.Mail.Ru

Сайт нұсқасы

ru kz

Зектілері

Медициналық сақтандыру қорының жаңа басшысы тағайындалды

Опубликовано:

Болат Төкежанов "Әлеуметтік медициналық сақтандыру қоры" КЕАҚ басқарма төрағасы болып тағайындалды деп хабарлайды KAZ.NUR.KZ порталы Денсаулық сақтау министрлігінің баспасөз қызметіне сілтеме жасап.

оооооооооо
Болат Төкежанов. Фото: kazpravda.kz: Getty Images

Бүгін Денсаулық сақтау министрі Алексей Цой жаңа басшыны Қор ұжымымен таныстырды.

"Болат Тұрғанұлы денсаулық сақтау жүйесінде тәжірибесі мол, саладағы ең маңызды реформаларды жүзеге асыруға тікелей қатысқан, барлық проблеманы іштен жақсы біледі.
Бұл өте құнды тәжірибе, өйткені медициналық сақтандыру қорының халыққа арналған медициналық көмекті стратегиялық сатып алушы ретінде және МӘМС пен ТМККК пакетінің қаржылық операторы ретінде ерекше мәртебесі бар.
Барлық процесті – сатып алу мен медициналық көмекті қаражыландыру ісін ашық және жүйелі жүзеге асыру керек. Қазір еліміздің денсаулық сақтау саласы қиын кезеңді бастан өткізіп отыр, бұл ретте коронавирусқа қарсы күрес шараларының шығынын өтеуде сақтандыру қорының рөлі өте маңызды", – деді Цой таныстыру барысында.

Министр бұл тағайындаудың артында үлкен жауапкершілік тұрғанын және Мемлекет басшысы қойған міндеттерді қысқа уақытта орындау қажеттігін де атап өтті.

Болат Төкежанов 1972 жылы 19 шілдеде ҚазКСР Шығыс Қазақстан облысында дүниеге келген.

1994 жылы Қазақ Мемлекеттік басқару академиясын Экономист мамандығы бойынша бітірген. 2010 жылы Қазақстан Республикасы Президенті жанындағы Мемлекеттік басқару академиясының ұлттық мемлекеттік саясат мектебінде мемлекеттік және жергілікті басқару магистрі дәрежесін алды.

Дьюка, Дарем, Солтүстік Каролина, АҚШ-та Стэндфорд университетінің мемлекеттік саясат мектебінде, сондай-ақ, Сингапурдағы Ли Куан Ю атындағы Ұлттық Университеттің мемлекеттік саясат мектебінде оқыған.

Болат Төкежанов Қазақстанның салық қызметі жүйесінде жұмыс тәжірибесі бар, Шығыс Қазақстан облысындағы денсаулық сақтау ұйымдарын басқарды.

ҚР Денсаулық сақтау министрлігінде басшылық қызметтерді атқарды. ҚР Денсаулық сақтау министрлігінің вице-министрі, жауапты хатшысы болып жұмыс істеді.

"Құрмет"орденімен марапатталған, Қазақстан Республикасының Денсаулық сақтау үздігі. Үйленген, үш бала тәрбиелеп отыр.

Еске салайық, өткен жұмада Қазақстан президенті Қасым-Жомарт Тоқаев үкіметтің кеңейтілген отырысына қатысты. Мемлекет басшысы отырыста "СК-Фармация" аясындағы "топтық мүделлерге" қатысты мәселе көтерді.

Мақаланың түпнұсқасы: https://kaz.nur.kz/society/1864526-medicinalyk-saktandyru-koryny-zaa-bassysy-tagajyndaldy/

pixel