Выйти
RU

"Дәл мұнша "қара қағаз" алмап едік": Балғынбек Имаштың өлеңі елді жылатты

Рассказать в Telegram Рассказать Вконтакте

Отандық танымал ақын Балғынбек Имаш қатерлі індет құрбандарына арнап өлең шығарды. Ол күні кеше ғана думандатып жүрген халқының кенеттен қара жамылып, күнде қайғы-қасіреттен көз ашпай жатқанын сөз етті. Айтыскер қауіпті вирус салдарынан еліне еңбегін сіңірген бірқатар мықты мамандардың қаза болғанына күйінді деп жазады KAZ.NUR.KZ.

Фото: Instagram/balgynbek_official.

Фото: Instagram/balgynbek_official.: Instagram

Балғынбек Имаш Жалпыұлттық аза тұту күнінде коронавирус індетінен қайтыс болған науқастарға арнаған өлеңін ел назарына ұсынды.

Белгілі ақын "Қаралы күн" атты аса әсерлі туындысын Instagram парақшасында жариялаған.

Жетсек те аман-есен күнде ақшамға, Кім кетіп, кім жетері жұмбақ таңға. Жаралы жанын емдем жұртымыздың, Көз-жасын сорғалаған құрғатшы, Алла.

Кеше еді: күнде думан, күнде отырыс, Ал, бүгін: күнде қайғы, күнде өкініш. Емхана, мәйітхана азан-қазан, Тойхана, мейрамхана мүлде тыныш.

Тағы да оқыңыздар

Дана Нұржігіт: Дерттің қылышына ілінген жан бір жұтым ауаға зәру болып, үзіліп жатыр

Журналист, ақын, имам, қажы кетті, Дәрігер, сот, прокурор, қазы да өтті. Тоқтай ма мына тұмау? Табиғаттың, Қысы емес, көктемі емес, жазы жетті.

Толассыз суық хабар зарға көміп, Жатады күндіз, кешке, таңда келіп. Сұрапыл соғыста да күн құрғатпай, Дәл мұнша "қара қағаз" алмап едік.

Хабарын өлім-жітім естіп-естіп, Даламыз зар илейді өксіп-өксіп. Үрейден құйрықмай жеп, қымыз ішіп, Қазақ боп кетсек жақсы өстіп-өстіп.

"Жазмыштан озмыш жоқты" естіп өстік, Нәпсімен бес намазда бес күрестік. Тмин ішіп, Қист тұтатып, тәубәға кеп, Мұсылман болсақ жақсы өстіп-өстіп.

Ия, Раббым, өзі беріп, өзі алатын, Қырғынға түріміз жоқ төзе алатын. Жоқтаған Жүсіп ұлын Жақып құсап, Халықтың болып қалды көзі ағатын.

Өлген соң пәтеріміз бәрібір - Көр, О жаққа "ордер" алды тағы кімдер? Айыбын мойындаған құлдарыңа, Аюбтың төзімі мен сабырын бер!

Тағы да оқыңыздар

Ләйлә Сұлтанқызы: Пандемия менің де туыстарымның ішінен көп адамды алып кетті

Күніге сынып, солып гүл бақшамда, Жан үшін жүріп жатыр қымбат сауда. Қыршынын аза тұтқан аз қазақты, Жылата бермей көзін құрғатшы, Алла!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
"Дәл мұнша "қара қағаз" алмап едік": Балғынбек Имаштың өлеңі елді жылатты