RU

"Қашықтан оқытуды ұсынамын": Министр маңызды мәлімдеме жасады

Денсаулық сақтау министрлігі Алексей Цой үкімет отырысында 1700-ден астам бала коронавируспен ауырып жатқанын мәлімдеді. Ол індеттің таралуын тоқтату мақсатында өз ұсынысын жеткізді деп хабарлайды KAZ.NUR.KZ порталы.

Фото: Қазақстан үкіметінің баспасөз қызметі
Фото: Қазақстан үкіметінің баспасөз қызметі: UGC

Соңғы дерек бойынша, елімізде коронавирус инфекциясы 61755 адамнан анықталған.

Оның ішінде 25448 емделіп жатса, 35 911-і қауіпті дертті жеңді.

"Коронавирус тәулігіне 1700-1800 адамға тұрақтанды. Жағдайды одан әрі тұрақтандыру бойынша өңірлердегі шаралардың тиімділігі 17 индикатор бойынша  бақылау жүргізіліп жатыр. Тағы қосымша 4 индикатор бойынша жұмыс жүргізу қарастырылып отыр, - деді Цой. 

Денсаулық сақтау министрінің сөзінше, бүгінде 1700-ден астам бала ауырып жатыр.

Ол күндізгі оқуды іске қосу балалар арасындағы ауруды өршітіп жіберуі мүмкін екенін жасырмады.

"ЖРВИ-дің маусымдық деңгейде артуы мен коронавирус инфекциясы бойынша жағдайдың күрделілігіне байланысты оқу жылының алғашқы тоқсанында аз комплектілі мектептерді есептемегенде, барлық сыныпты қашықтан оқыту жолдарын қарастырған дұрыс деп есептеймін, - деп түсіндірді министр.

Еске сала кетсек, осыған дейін мемлекет басшысы Қасым-Жомарт Тоқаев үкіметтің кеңейтілген отырысында әкімдіктерді жаңа оқу жылына дайын болуға шақырды.

Мақаланың түпнұсқасы: https://kaz.nur.kz/1864764-kasyktan-okytudy-synamyn-ministr-mayzdy-mlimdeme-zasady.html