Выйти
RU

Кімдер өтініш жібермей-ақ 42500 алады: Министр мәлімдеме жасады

Рассказать в Telegram Рассказать Вконтакте

Еңбек және халықты әлеуметтік қорғау министрі Біржан Нұрымбетов табысынан уақытша айырылған азаматтарға берілетін 42500 теңге жәрдемақы кей тұрғындарға проактивті түрде тағайындалатынын мәлім етті деп хабарлайды KAZ.NUR.KZ порталы.

Көрнекі фото: pixabay.com

Көрнекі фото: pixabay.com: UGC

Бұл туралы Біржан Нұрымбетов орталық коммуникациялар қызметінде өткен онлайн брифинг барысында айтты.

"Өткен жолғы мәліметтерге сүйеніп, 42500 теңгені неге төлей салмайсыздар?" деген сұрақ қойылып жатыр. Иә, бізде бүкіл мәлімет бар. Бірақ, бүгінгі шектеулер төтенше жағдайға қарағанда жеңілдеу және әр өңірде әр санитарлық дәрігердің шектеулері өзгеше. Көп құрылыс нысандары, қызмет көрсету салалары жұмыс істеп жатыр. Оның үстіне өткен жолы өтінім бермеген кісілер бұл жолы ақысыз демалысқа кетуі мүмкін. Сол себепті, қайтадан өтініш берілуі тиіс", - деді ол

Тағы да оқыңыздар

Студенттер 42 500 теңге ала ма: Нұрымбетов жауап берді

Нұрымбетов министрлік жәрдемақыны проактивті форматта тағайындауды қарастырып жатқанын жеткізді.

"Өткенде 42500 теңгені сәтті алған тұрғындарды сараптай келіп, жағдайы өзгермеді-ау деп болжаған кісілерге сұрау жіберіп жатырмыз. "Сіз өткенде 42500 теңге алдыңыз, бұл жолы да табысыңыздан айырылдыңыз ба" деген СМС жібердік. "Иә" деген жауап келсе, сол тұрғынға еш өтінішсіз төлем тағайындау шарасын жасаймыз.

Сол себепті, бүгін СМС алған кісілер табыстан айырылғаныңызды растаған болсаңыз, ертең жұма күні порталдарға өтініш берудің қажеті жоқ. Жай ғана өз мәртебеңізді тексерсеңіз, "Сіз үшін өтініш қабылданды" деп жазылып тұрады», - деді Нұрымбетов.

Естеріңізге сала кетейік, осыған дейін премьер-министр Асқар Мамин үкімет отысында шілде айында әлеуметтік жәрдемақы кімдерге берілетінін айтқан еді.

Тағы да оқыңыздар

Бірыңғай жиынтық төлем жасағандар арасында 42 500 теңгені кім алмайды

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Кімдер өтініш жібермей-ақ 42500 алады: Министр мәлімдеме жасады