Выйти
RU

Министр неліктен стационарда видео түсіруге болмайтынын түсіндірді

Рассказать в Telegram Рассказать Вконтакте

Денсаулық сақтау ведомствосының басшысы Алексей Цой орталық коммуникациялар қызметінде өткен онлайн-брифинг барысында неліктен стационарда бейнетүсірілім жасауға тыйым салынғанын түсіндіріп берді деп хабарлайды KAZ.NUR.KZ порталы Sputnik Қазақстанға сілтеме жасап.

Көрнекі сурет: pixabay.com

Көрнекі сурет: pixabay.com: Facebook

"Негізі, медициналық стационарларға телефонды алып кіруге болады. Ол жағынан ешқандай шектеу жоқ. Бірақ бас мемлекеттік санитар дәрігердің қаулысы бойынша телефонның камерасы арқылы бейнетүсірілім жасауға тыйым салынған", – деді ол.

Айтуынша, ондай шешім бірінші кезекте пациенттердің жеке құқықтарын қорғау мақсатында қабылданған. Себебі, стационарда көп жағдайда науқастардан рұқсат сұрамай, ұялы телефонға түсіріп жатады.

"Біреулер киімсіз жатады. Енді біреулер ем-дом алғанын ешкім білмесе екен дейді. Ал кейбіреулері дәрменсіз халде жатады. Ондайда рұқсат берудің өзі қиын. Бұның бәрі – этикадан туындайтын мәселелер. Сол себепті науқастардың құқықтарын қорғау мақсатында стационарда бейнетүсірілім жасауға тыйым салынды", – деп түсіндірді министр.

Еске сала кетейік, бұған дейін Алексей Цой қазақстандықтарға үндеу жасап, денсаулық сақтау жүйесіне көмектесулерін сұраған еді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Министр неліктен стационарда видео түсіруге болмайтынын түсіндірді