RU

Вирусты пневмония жұқтырған медицина қызметкерлері де әлеуметтік төлем алады

Еңбек және халықты әлеуметтік қорғау министрлігі мен Денсаулық сақтау министрлігінің коронавируспен күреске жұмылдырылған медицина қызметкерлеріне ауру жұқтырған немесе көз жұмған жағдайда төленетін қаражат ережелерін реттейтін бірлескен қаулысына өзгеріс енгізілді деп хабарлайды KAZ.NUR.KZ zakon.kz сайтына сілтеме жасап.

Вирусты пневмония жұқтырған медицина қызметкерлері де әлеуметтік төлем алады
Көрнекі фото: NUR.KZ: Original

Құжатқа сәйкес, енді медицина қызметкерлері вирусты пневмония жұқтырған жағдайда бір реттік әлеуметтік төлемақы алады. Ал қайтыс болса, қаражат олардың жанұясына табыс етіледі.

Осыған дейін бұл ережелер тек коронавирусқа ғана қатысты еді.

Айта кетейік, 21 шілде күні Денсаулық сақтау министрлігінің басшысы Алексей Цой коронавирус жұқтырған және қайтыс болған медицина қызметкерлерінің санын атаған. Ол уақытта медицина қызметкерлері арасында 59 адам қайтыс болған.

Ал өткен тәулікте елде коронавирус жұқтырған тағы 1687 адам тіркелген. Осылайша, қазіргі уақытта Қазақстанда COVID-19 инфекциясы анықталғандар саны 78 486-ға жетіп отыр.

Бұған дейін денсаулық сақтау министрі Алекцей Цой 1 тамыздан бастап Қазақстанда коронавирус статистикасы қалай жүргізілетінін айтып берген еді. Енді елде пневмония мен коронавирус статистикасы біріктіріледі.

Мақаланың түпнұсқасы: https://kaz.nur.kz/1866618-virusty-pnevmonia-zktyrgan-medicina-kyzmetkerleri-de-leumettik-tlem-alady.html