Выйти
RU

Елімізде коронавирусты екінші рет жұқтыру жағдайы тіркелді ме

Рассказать в Telegram Рассказать Вконтакте

Денсаулық сақтау министрі Алексей Цой елімізде коронавирус инфекциясын екінші рет жұқтыру жағдайы тіркелмегенін айтты деп жазады KAZ.NUR.KZ порталы.

Көрнекі фото: NUR.KZ

Көрнекі фото: NUR.KZ: Instagram

Бұл туралы Алексей Цой орталық коммуникациялар қызметінде өткен онлайн брифинг барысында айтты.

"Қазіргі уақытта бізде Covid-19 вирусын екінші рет жұқтыру жағдайы тіркелмеді. Алайда қайтадан тесттен өткен кезде коронавирус инфекциясы бойынша оң нәтиже көрсеткен жағдайлар бар. Біздің иммунологтардың сөзінше, бұл – бастапқы кезеңде коронавирус жұқтырған пациенттің ағзасында қалып қойған вирус қалдығы. Яғни бұл – қалдық сипатындағы құбылыс. Олар тек тестте екінші рет көрініп тұрады. Оның үстіне аурудың ешқандай белгілері байқалмайды", - деді денсаулық сақтау министрі.

Ол тұрғындардан елде осыған ұқсас қандай да бір жағдай болып жатса, хабарлауды сұрады.

Еске сала кетсек, соңғы деректерге сүйенсек Қазақстанда COVID-19 инфекциясы анықталғандар саны 87 664-ке жеткен. Өткен тәулікте 1472 адам коронавирус жұқтырған. Елімізде індеттен 57 815 адам жазылса, 793 науқас көз жұмған.

Ал жалпы әлемде коронавирус жұқтырғандар саны 16 959 936 жетіп отыр. Оның ішінде 9 908 772 адам жазылып, ауруханадан шықса, 665 581 науқас қайтыс болған.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Елімізде коронавирусты екінші рет жұқтыру жағдайы тіркелді ме