RU

Цой: Қазақстан COVID-19-дың шарықтау шегінен өткенін сеніммен айта аламыз

Telegram logo VKontakte logo

Денсаулық сақтау министрі орталық коммуникациялар қызметіндегі онлайн-брифинг барысында Қазақстандағы коронавирус эпидемиясына байланысты жағдайдың тұрақталғанын мәлімдеді. Айтуынша, еліміз аурудың шарықтау шегінен өткен деп хабарлайды KAZ.NUR.KZ.

Алексей Цой. Фото: ОКҚ
Алексей Цой. Фото: ОКҚ: Facebook

Алексей Цойдың мәліметінше, елде эпидемия басталғалы бері вирус жұқтырған 91 662 науқастың 67 пайызы жазылып шыққан – бұл 62 511 адам.

Өткен тәулік ішінде аталған дерттен 671 адам айыққан.

Ведомство басшысы Батыс Қазақстан, Алматы, Түркістан, Ақмола, Маңғыстау облыстары және Нұр-Сұлтан қаласында "жағдай жақсарғанын" мәлім етті.

"Жағдай тұрақталды деп сенімді түрде айта аламыз, аурудың шарықтау шегі өтті, оны өздеріңіз де көріп отырсыздар", – деп мәлімдеді министр.

Оның айтуынша, Қазақстан қазіргі карантиннің арқасында аурудың өсімін 2 есе төмендеткен. Стационарлардағы жүктеме де азайған.

Тағы да оқыңыздар

Дезинфекция өкпе қабынуына ықпал ете ме: Бекшин жауап берді

"Шілде айында кейбір ауруханаларда қиын жағдай туындады. Ал бүгінде стационарлардағы төсек орындардың 34 пайызы ғана толып отыр", – дейді Цой.

Сонымен қатар министр елімізде өткен тәулікте коронавирус пен пневмониядан 55 адамның қайтыс болғанын мәлімдеді.

Денсаулық сақтау министрінің ақпарынша, 2 тамызда коронавирустан ПТР нәтжиесі оң болған 34 қазақстандық, сонымен қатар ПТР нәтижесі теріс болған, алайда ауру белгілері коронавирус инфекциясына ұқсас 21 адам пневмониядан көз жұмған.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Цой: Қазақстан COVID-19-дың шарықтау шегінен өткенін сеніммен айта аламыз