RU

Назарбаев: Басты міндетіміз – еліміздің ұлттық қауіпсіздігін қамтамасыз ету

Telegram logo VKontakte logo

Қауіпсіздік кеңесінің төрағасы Нұрсұлтан Назарбаев премьер-министр Асқар Маминмен кездесті деп хабарлайды KAZ.NUR.KZ порталы Елбасының ресми сайтына сілтеме жасап.

Назарбаев Мамин 12
Фото: Elbasy.kz

Кездесу барысында биылғы 7 айдың қорытындысы бойынша еліміздің экономикалық даму нәтижелері мен пандемиядан кейінгі кезеңге арналған жұмыс жоспары талқыланды.

Үкімет басшысының ұсынған мәліметі бойынша, жыл басынан бері экономиканың машина жасау, өңдеу және тау-кен өндірісі, құрылыс, басқа да негізгі салаларындағы көрсеткіштер оң қарқын алған.

Елбасы Қазақстанда бұған дейін қабылданған мемлекеттік бағдарламалар қазіргі дағдарыстың ұлттық экономикаға теріс әсерін азайтуға мүмкіндік бергенін атап өтті.

"Біз тәуелсіздік жылдарындағы ең күрделі кезеңді бастан өткеріп жатырмыз. Осы уақыт ішінде талай дағдарысты еңсердік. Қазіргі қиындық әлемнің бүкіл елін қамтып отыр. Барлық жерде жұмыссыздықтың көбеюі байқалуда, бизнес қиындықтарға тап болып, мемлекеттер арасындағы сауда-саттық деңгейі төмендеді. Алайда, бұған дейін қабылданған шаралар дағдарыстың экономикамызға әсерін азайтуға көмектесті. Біздің экономикалық көрсеткіштердің төмендеуі басқа елдермен салыстырғанда үш есе аз", – деді Нұрсұлтан Назарбаев.
Путин мен Тоқаев қол алысып тұр1

Тағы да оқыңыздар

Тоқаев Путинді COVID-19-ға қарсы әлемдегі алғашқы вакцинаның тіркелуімен құттықтады

Қазақстанның Тұңғыш президенті күрделі кезеңдегі елдің әлеуметтік-экономикалық дамуын қолдау бағытында отандық бизнестің белсенділігі жоғары екенін атап көрсетті.

"Ірі бизнес жұмыс орындарын сақтап қалуға көмектесті, халықтың әлсіз топтарын қолдауға қаражат бөлді, сондай-ақ «Біз біргеміз» бастамасын ілгерілетуге үлесін қосты. Мен барлық бизнес өкілдеріне ризашылығымды білдіремін. «Birgemiz» қоры арқылы біз 2,3 миллион қазақстандыққа қолдау көрсете алдық", – деді Елбасы.

Нұрсұлтан Назарбаев дағдарыстан кейінгі кезеңдегі экономикалық өсім мәселесін қарастырып, отандық бизнесті жандандыру және азаматтардың әл-ауқатын жақсарту қажеттігін атап өтті. Үкімет экономиканың түрлі саласындағы өсімді қамтамасыз ету үшін нақты шаралар қабылдауы керек екендігі айтылды.

"Қазіргі уақытта сарапшылар экономикалық дағдарыс пен пандемияның екінші толқыны келетінін болжауда. Мамандар бұл мәселені мұқият зерттеп, осы жағдайға арнаулы бағдарлама әзірлеуі керек. Жаңа тәсілдер мен тиісті шаралар қажет", – деді Қазақстанның Тұңғыш президенті.

Маска

Тағы да оқыңыздар

Қазақстанда маска құны 60 теңгеге дейін төмендеуі мүмкін

Сонымен қатар Елбасы коронавирус инфекциясының таралуына қарсы күрес аясындағы ақпараттық-түсіндіру жұмыстары мәселесіне тоқталды.

"Қауіпті дертті жұқтырып алмау адамның өзіне және тәртібіне байланысты екенін түсіндірген мемлекеттер ұтылған жоқ. Кейбір елдерде карантин шаралары қабылданбады, өйткені адамдар сақтық шараларын сақтап, мамандардың талабын орындады", – деді Нұрсұлтан Назарбаев.

Қазақстанның Тұңғыш президенті геосаяси қақтығыстар мен қарама-қайшылықтар өршіп тұрған жағдайда Қазақстан қоғамының бірлігі мен тұрақтылығын сақтаудың маңыздылығын атап өтті.

"Біздің басты міндетіміз – дағдарысқа қарамай, еліміздің ұлттық қауіпсіздігін қамтамасыз ету. Ішкі тұрақтылықты сақтауымыз керек. Қоғам тұтастығы мен саяси тұрақтылық – біздің алға жылжуымыздың негізі екенін жұртшылық естен шығармағаны жөн. Біз әрдайым мемлекеттің және "Nur Otan" партиясы сияқты саяси күштің айналасына топтасу арқылы дағдарыстарды еңсере білдік. Бұл сынақтан да аман өтетінімізге сенімдімін. Экономиканың өсімі қамтамасыз етілетін болады. Бұл қазақстандықтардың тұрмыс-тіршілігіне оң ықпал етеді. Мемлекет қайтадан қаржы жинақтайды. Ол қаражат қазақстандықтардың игілігі үшін, сондай-ақ «Қазақстан-2050» стратегиялық бағдарласының орындалуына пайдаланылатын болады", – деді Елбасы.

аймағамбетов

Тағы да оқыңыздар

Аймағамбетов білім саласында қандай өзгерістер болатынын айтты

Кездесу соңында Нұрсұлтан Назарбаев жаһандық экономикалық дағдарыстардан өтуде Қазақстанның мол тәжірибесі, сондай-ақ экономиканың тұрақты өсімін қамтамасыз етуге мүмкіндігі бар екенін атап өтті.

"Жұрт жұмысқа шығып, ақша табуы үшін Үкімет жұмыс орындарын көбейтуге тырысуы керек. Бізде үлкен тәжірибе, қаражат, мүмкіндіктер бар. Осының бәрінен сүрінбей өтеміз", – деді ол.

Бұған дейін Қазақстанның Тұңғыш президенті Нұрсұлтан Назарбаев Александр Лукашенконы Беларусь Республикасының президенті болып қайта сайлануымен құттықтаған болатын.

Еске сала кетсек, 9 тамызда Белоруссияда президенттік сайлау өткен еді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Назарбаев: Басты міндетіміз – еліміздің ұлттық қауіпсіздігін қамтамасыз ету