RU

Отандық білікті дәрігер коронавирустың алдын алудың 4 жолын атады

Telegram logo VKontakte logo

Жеке медициналық орталықтың директоры, жоғары санатты дәрігер Рашхан Сыдайқызы коронавирустың алдын алатын негізгі жолдарды атап көрсетті деп хабарлайды KAZ.NUR.KZ порталы Түркістан газетіне сілтеме жасап.

дәрігер
Фото: Рашхан Сыдайқызы/Facebook
"Коронавирустан сақтанып, алдын алудың 4 негізгі жолы бар. Оның біріншісі – топ­тық ортаға бармау, таза ауамен ты­ныстау, үйдің ауасын алмастыру, яғни оңашалану, оқшаулану. Екін­шіден бетперде тағу арқылы ви­рус­тың тыныс жолы арқылы жұғуы­нан сақтану және оны жиі ауыс­ты­рып тұру. Үшінші – үнемі қол жуу, ал төртіншісі ұйқы тыныштығын сақтау", - деді дәрігер.

Рашхан Сыдайқызы вирус жер бетінен жойылып кет­кенше сақтану шаралары тура­лы айтыла берілетінін жасырған жоқ. Өйткені індеттің қашан және қалай кететінін ешкім біл­мейді.

"Бұл жағдайда сақтан­ған­нан басқа амалымыз жоқ. Түшкіру, әлсіздік, бас ауыруы, дене қызуы­ның көтерілуі, тамақтың жыбыр­лауы, кеуде қуысының ауыруы, жү­рек қағысының, тыныс алудың жиі­леуі – аурудың басты белгілері. Ви­рус жұқтырған адамдарға айта­рым, сабырлы болып, көңіл күйді ор­нықты ұстауы керек. Өйткені адамдар «өліп қалатын болдым» деп ішкі көңіл-күймен арпалысқан сайын қан қысымы бар адамның қысымы одан ары көтеріліп, қо­сым­ша аурулары болса, олар қозып кетуі мүмкін. Сол себепті сабырлық танытып, уайымға салынбау керек. Әр ауруды емдеу тәсілі болатыны секілді, коронавирусты да имму­ни­тетті көтеру арқылы емдеуге бо­ла­ды", - деді медицина қызметкері.

Дәрігер1

Тағы да оқыңыздар

Сағынтаев Алматы ауруханаларының жұмысына қатысты пікір білдірді

Ол коронавируспен ауырмағандар осы сақтық шараларын жасап, спортпен айналысуы керек, деп отыр. Маманның сөзінше, қи­мыл-қозғалыс өте маңызды, таңер­тең және кешке таза ауада кө­бірек жүрген дұрыс.

Жаз айларында дәру­менге толы көкөністерді, же­міс-жидектерді жеп, қымыз, шұбат, айран, сүт, сорпа ішу керек. Бірақ қан қы­сымы көтеріліп тұрған адам қы­мыз ішсе, қан айналымы жыл­дам­дап, қан қысымын көтеріп жібе­ре­ді. Ал қаны қою кісілер өте майлы сор­па ішпеуі керек.

  • Сонымен қатар кү­ніне 2-3 литр таза жылы су іш­кен жөн. Жас балалар мен жасы 60-тан асқан кісілерге судың бұл мөл­шері көп болады, сол себепті адам жасы мен салмағына қарай таңертең аш қарынға жылы су ішу­ден бастағаны дұрыс.
Тұран суы

Тағы да оқыңыздар

Пандемия кезінде күйзеліспен қалай күресуге болады

Дұрыс та­мақтану, салауатты өмір салтын ұста­ну және жеке тазалықты қолға алу арқылы бұл вирусты жұқтыр­май аман-есен өтуге болады", - деді Рашхан Сыдайқызы.

Еске сала кетсек, осыған дейін мемлекеттік комиссия 2020 жылғы 17 тамыздан бастап карантин шараларын кезең-кезеңімен алып тастау жоспарын бекіткен болатын.

Алайда, бірқатар нысандардың жұмысына әлі де тыйым салынады.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
Отандық білікті дәрігер коронавирустың алдын алудың 4 жолын атады