RU

Балалар еңбегін ең көп пайдаланатын аумақ белгілі болды

Алматы облысының Қаратал ауданы балалар еңбегін пайдаланудың көш алдында тұр. 

Балалар еңбегін пайдалану деректері Қаратал ауданында - 676 (егістікте жұмыс), Панфилов ауданында - 539 (жүгеріні өңдеу), Еңбекшіқазақ - 409 (шылым плантациялары) болса, облыс орталығында ондай фактілердің небәрі 27 оқиғасы тіркелген.

Бұл туралы "Балалар еңбегін қанауға жол жоқ!" деген ұранмен Ақсу ауданының Жансүгіров ауылында өткізілген дөңгелек үстел отырысы барысында Алматы облысының балалар құқығын қорғау жөніндегі департамент директоры Гүлнәр Ермекбаева айтты.

Сұрау жүргізілген балалардың 45 пайызы ата-аналарына көмектескісі келетінін, 27 пайызы өзіне ақша тапқысы келетінін, 20 пайызы қызық үшін жұмысқа барғанын, ал 8 пайызы отбасындағы негізгі ақша табушы екендігін айтты.

Г. Ермекбаеваның мәліметінше, 2008 жылы Ақсу ауданында үш кәмелетке толмаған баланың мектеп табалдырығын аттамағаны анықталды. Бірақ журналда олар бар деп көрсетіліп келген. Тексерістер барысында анықталғаны, олар осы мектептің директорының малын баққан.

 

 

 

Мақаланың түпнұсқасы: https://kaz.nur.kz/187146-balalar-enbegin-en-kop-pajdalanatyn-aumak-belgili-boldy.html