RU

Елімізде Армения нөмірлерімен жүрген көліктерді тіркеу уақыты ұзартылды

Фото
Көрнекі фото: Sputnik / Владислав Воднев

Армениядан Қазақстанға алып келген көліктерді тіркеу мерзімі келесі жылдың 1 наурызына дейін ұзартылды. Бұл туралы Маңғыстау облысы бойынша мемлекеттік кірістер департаменті хабардар етті деп хабарлайды KAZ.NUR.KZ порталы Sputnik Қазақстан агенттігіне сілтеме жасап.

Басылым таратқан ақпаратқа сәйкес, "Қазақстан Республикасына азаматтардың заттарды әкелуі мен пайдалануы кейбір мәселелері туралы" үкіметтің 2020 жылғы 20 мамырдағы №306 қаулысына өзгеріс енгізілген. 

"Қазақстанда Армения Республикасында тіркелген жеке көлік құралдары туралы" тиісті құжат 2020 жылғы 1 қыркүйектен бастап қолданысқа жіберілді.

Армения нөмірлерімен көлікті тіркеу осы жылдың 1 маусымында басталған. Тамыз айының ортасына таман тіркеу шарттарына сәйкес келетін 14 мың көлік құралының 11 мыңға жуығы тіркелді.

Бұндай көліктерді тіркеудің нақты тәртібін анықтайтын үкіметтің қаулысы 20 мамырда қабылданғаны белгілі болды.

"Азаматтарды тіркеу шарттары өте адал. Армениядан көлікті тіркеу кезінде осы қаулы аясында бірқатар елеулі төлемдер, алғашқы тіркеу, кәдеге жарату үшін алымдар, кедендік баждар төлеу талап етілмейді", - деді Серік Түсіпов.

Көлікті тіркеу үшін қажет:

  • тіркеу алымын төлеу - 12 мың теңгеден кем;
  • техникалық паспорт пен мемлекеттік нөмір үшін баж төлеу - 12 мың теңгеден аз;
  • жеке басын куәландыратын құжаттарды ұсыну;
  • автокөлікке нотариалды куәландырылған аудармасы бар құжаттар;
  • Арменияда автокөлікке берілген техпаспорт пен мемлекеттік нөмірді мерзімсіз сақтауға тапсыру.

Тіркеу халыққа қызмет көрсету орталықтарында жүргізіледі. Азаматтарға ыңғайлы болу үшін аталған ХҚКО-лардың жұмысы алдын ала брондаусыз және демалыс күндері ұйымдастырылған. Онда, ХҚКО мұрағаттарында Арменияда берілген техпаспорт пен мемлекеттік нөмір сақталады. 

Еске сала кетсек, бұған дейін Нұрділдә Ораз армян көліктерін тіркеу тамыз айының соңында аяқталатынын еске салған болатын.

Жақында елімізде Армениядан жеткізілген көліктерді тіркеу уақыты ұзаруы мүмкін екені айтылды. Алайда бұл барлық көліктерге бірдей қатысты емес.

Мақаланың түпнұсқасы: https://kaz.nur.kz/1873916-elimizde-armenia-nmirlerimen-zrgen-klikterdi-tirkeu-uakyty-zartyldy.html