RU

Еліміздің тағы бір қаласында шектеу шаралары ұзартылды

ковид қала 98456
Көрнекі фото: NUR.KZ / Петр Карандашов

Шымкентте карантин шаралары қайта ұзартылды. Қаланың бас санитарлық дәрігері сәйкес қаулыға қол қойды деп хабарлайды KAZ.NUR.KZ.

Құжатта Шымкенттегі карантин режимін 14 қыркүйек сағат 00.00-ден 28 қыркүйек күні сағат 00.00-ге дейін ұзарту қарастырылған.

Көрсетілген кезеңде азық-түлік және азық-түліктік емес базарларға жұмыс күндері сағат 6-дан 18.00-ге дейін жұмыс істеуге рұқсат берілген. Сондай-ақ белгілі бір талаптар сақталуы тиіс: нысанның сыйымдылығы 30 пайыздан аспауы, бір адамға арналған аумақ 4 шаршы метрден кем болмауы тиіс.

Демалыс күндері олардың қызметі тоқтатылады. Тек азық-түлік және киім-кешек саудаланатын ашық аспан астындағы базарларға сағат 6-дан 18.00-ге дейін жұмыс істеуге рұқсат.

Жұмыс күндері алдын ала жазылу бойынша сағат 9-дан 21.00-ге дейін СПА-орталықтар, сұлулық салондары және шаштараздар жұмыс істей алады. Алайда, демалыс және мереке күндері олардың қызметі тоқтатылуы тиіс. Дәл осындай шарттармен монша және сауналардың жұмысына рұқсат берілген.

Қоғамдық көліктер аптасына алты күн сағат 7-ден 21.00-ге дейін жүреді. Жексенбі күні олардың қозғалысы тоқтатылады.

Еске сала кетейік, бұған дейін Атырау облысында шектеу шаралары биылғы 28 қыркүйекке дейін ұзартылғанын хабарлағанбыз. Желіде өңірдің бас санитарлық дәрігерінің сәйкес қаулысы жарияланды.

Соңғы мәліметтерге сәйкес, елімізде өткен тәулікте тағы 11 адамның COVID-19-бен оның белгілері бар пневмониядан көз жұмғаны белгілі болды.

Мақаланың түпнұсқасы: https://kaz.nur.kz/1874105-elimizdi-tagy-bir-kalasynda-sekteu-saralary-zartyldy.html