RU

"Әбден жыладым": Назарбаевтың досының әпкесі Елбасының адамгершілігі туралы айтты

Telegram logo VKontakte logo

Қазақстанның Тұңғыш Президенті Нұрсұлтан Назарбаевтың жақын досы, қазір марқұм болып кеткен Николай Литошко ұзақ уақыт бойы оның резиденциясында тұрып, жұмыс істеген. Елбасы украин баласымен Днепродзержинскіде (қазіргі Каменское) оқып жүрген кезінде танысқан. Кейін жігіттер Теміртауда бірге жұмыс істеп, шойын шығарды. Бүгінде Грециядағы Санторини аралында тұрып жатқан Николай Литошконың әпкесі Ольга Нұрсұлтан Назарбаевты 80 жасқа толуымен құттықтап, оны отбасының досы ретінде қонаққа шақырғысы келетінін жеткізді деп жазады KAZ.NUR.KZ порталы Sputnik Қазақстан агенттігіне сілтеме жасап.

Фото

Фото: Ольга Литошконың жеке мұрағаты

1960 жылдары Назарбаев Днепродзержинск қаласындағы Днепров металлургия зауыты жанындағы кәсіптік-техникалық училищеде оқыды. Ол физикалық мықты жас жігіттер алынатын домнашылар тобына қабылданған.

Елбасы "Оң және солсыз" кітабында сол уақытта еркін күрестің айрықша танымал болғанын айтады. Мығым жігіттер ауыр жұмыс ауысымынан кейін де жаттығуға қалған.

"Бірде Нұрсұлтанды менің ағам Миколамен күресуге шығарады. Назарбаевтың сырт келбетінен оның спорттан алыс екені аңғарылады, ал менің ағам күреспен айналысатын. Бір таңғаларлығы, Нұрсұлтан өзінің әкесі үйреткен әдісті пайдаланып, Миколаны алып ұрады. Ағам тағы да онымен күреспек болады, Нұрсұлтан оны тағы да жерге жығады. Назарбаев кітабында Миколаның оған ренжімегенін айтады. Жалпы екеуі дос болды", - деді Ольга Литошко.
Аймағамбетов 789

Тағы да оқыңыздар

"Көпбалалы отбасында дүниеге келдім": Аймағамбетов балалық шағы туралы әңгімеледі

Назарбаев Литошконың отбасында құрметті мейман ретінде жиі қонақ болыпты, Миколаның анасы үшін ол "екінші ұлына" айналған.

Фото

Фото: Елбасының ресми сайты

"Бірде Назарбаев Николай үйде болмаған кезде келді. Есікті мен аштым, ол "Коля қайда?" деп қысылыңқырап сұрады. Ол өте қарапайым болатын. Нұрсұлтан менің анамның бәліштерін жақсы көретін, ол шешемізді қатты құрметтейтін еді", - деп еске алды Ольга Литошко.

Николай Елбасымен бірге Қазақстан Магниткасына барды. Олар Теміртауда бірге жұмыс істеп, алғашқы жергілікті шойынды шығарды.

"Содан кейін Николайды әскерге шақырды. Бастапқыда Нұрсұлтан мен Микола хат алмасып тұрды, алайда кейінірек байланыс үзілді. Әскерден кейін Николай отанына оралды. Ағам қиын күндерді басынан өткізді. Сол кезде одақ құлдырап, қайта құру басталды", - деп сөзін жалғастырды Ольга.

Фото

Тағы да оқыңыздар

БҚО-да ауыл тұрғындары балаларына мектеп салып берді (фото)

Бірде ол құрбысымен бірге Назарбаевты теледидардан көрген.

"Құрбым маған Назарбаевты қатты құрметтейтінін айтты. Мен оған Нұрсұлтанның бізбен бірге тұрғанын, отбасымызбен дос болғанын айтып бердім. Бір аптадан кейін құрбым "Оң мен солсыз" кітабын алып келіп, "Менің тәлімгерлерім" деген бөлімде Назарбаевтың біздің отбасы жайлы жазғанын көрсетті. Оны оқыған кезде әбден жыладым. Ол өте құрметті биік қоятын, алғыс айтуға жасқанбайтын, адамгершілігі жоғары адам. Жас болса да, парыз дегенді ұмытпаған", - деді Николай Литошконың әпкесі.

Фото

Фото: Елбасының ресми сайты

Микола Днепродзержинск тарих мұражайының директоры Нина Цыганокпен дос болған, ол кіші ғылыми қызметкер болып жұмыс істеді.

"Нина менің ағама міндетті түрде Нұрсұлтанмен кездесетінін айтты. Бұл оқиға 1994 жылы болды. Нина Цыганок Украина президенті болған Леонид Кучмаға дейін барды. Бір күні ағам Назарбаевпен кездесуге шақырту алды. Нұрсұлтан Днепродзержинск қаласына келген екен, сенесіздер ме?! Ол сол уақытта Николайды көргеніне қуанышты екенін, олардың достығы 34 жыл бұрынғыдай мәңгілік екенін жеткізді", - деді Ольга Литошко.

Равиль1

Тағы да оқыңыздар

Алматы облысында 17 жастағы студент 10 күннен бері табылмай жатыр

Назарбаев "Украина оған қанат бітіргенін", сол себепті ол соңғы нанымен бөлісуге дайын екенін айтты, деп жалғастырды Ольга.

"Нұрсұлтан Назарбаевпен кездесуге жиналғандар өздерінің қалаған дүниесін сұрады. Тек, Микола үнсіз отырды. "Мен не сұрайын? Үтігім жоқ" деді. Содан кейін облыс губернаторы Николайға Днепродзержинскіден пәтер берді. Бұның барлығы сол кездесудің арқасында деп ойлаймын", - деді әйел.
Фото

Фото: Елбасының ресми сайты

1990-жылдардың соңында Николай Литошко Елбасының шақыруымен Қазақстанға келді. Осында тұрып, жұмыс істеді. Сайлауда тұңғыш президенттің сенімді өкілі болды, "Тұмар" украиндар қоғамының бірінші басшысы атанды, балалар үйіне көмектесті.

"Николай Қазақстанның тұңғыш президентінің резиденциясында тұрды, оны мен үй деп атайтынмын. Ол күзетке жақын жерге орналасты. Мен елордаға шамамен 2001 жылы бардым. Микола Назарбаевтың "зейнетке шыққан соң қартайған шағымызда ағаш отырғызамыз" деп айтқанын есіне алды. Бұл істі Николай жақсы көретін, оның үйінің айналасына ағаш отырғызып жүретін. Елордада бір апта болып, ауырып, қайтып кеттім. Мен кеткеннен кейін Нұрсұлтан іздеп барыпты. Табалдырықтан аттай сала, "Ольга қайда?" деп сұраған екен", - деді Ольга Литошко.

Фото

Тағы да оқыңыздар

"Шатырға шығып оқиды": Атырау облысында мектеп оқушылары интернеттің "азабын" тартуда

2011 жылы Николай Литошко кенеттен ауырып қалады. Ольга әлі күнге дейін ағасының неден қайтыс болғанын білмейді.

"Маған Николайдың ұлы Сашко хабарласты. "Оля әпке, әкемнің жағдайы ауыр. Ол жасанды тыныс алдыру аппаратына қосылды" деп айтты. Бұл өте қорқынышты жағдай еді. Нұрсұлтан өз өлімімен дүниеден өткенше аппараттан ажыратпауды тапсырды", - деп еске алды әйел.

Әйел жолға жиналып жатқан кезде тағы бір қоңырау соғылады. Бауырының баласы хабарласып, оның өмірден өткенін хабарлаған.

"Оля тәте, келудің қажеті жоқ. Әкем қайтыс болды. Нұрсұлтан қайда жерлейтінімізді сұрап жатыр деді. Мен үйде, туған жерге апарып жерлейтінімізді айттым", - дейді әйел. 

Фото

Фото: Ольга Литошконың жеке мұрағаты

Қазіргі уақытта Ольга Литошко Грециядағы Санторини аралында тұрады. Нұрсұлтан Назарбаевты жылы лебізбен еске алып жүретін ол Қазақстанның Тұңғыш президентін мерейтоймен құттықтағысы келеді.

Джокович1

Тағы да оқыңыздар

"Әдейі емес еді": Теннис жұлдызы Джокович орынсыз әрекетімен ұятқа қалды

"Құрбым электронды хат жазуға кеңес берді. Хат жазып жіберген едім, бірақ діттеген жеріне жетті ме, жоқ па білмеймін", - деді Ольга Литошко.

Хатта Ольга Назарбаевқа денсаулық пен ұзақ ғұмыр тілеген.

Ол Елбасының Грецияға отбасының досы ретінде қонаққа шақырады.

"Құрметті Нұрсұлтан Әбішұлы, шын жүректен 80 жасыңызбен құттықтаймын! Сізге денсаулық, ұзақ өмір мен риясыз қуаныш тілеймін. Сіз халықтың құрметіне әбден лайықсыз. Әлем білетін саясаткерсіз және ерекше адамсыз. Сізбен сөйлесу, дос болу бақыты бұйырды. Мен сіздің досыңыз Николай Литошконың әпкесі Ольгамын. Қазір мен Грецияда, Санторини аралында қызым және немереммен бірге тұрамын. Сізді Грецияға, Санторини аралына ағамның және біздің отбасымыздың досы ретінде қонақ болуға шақырамын", - делінген Ольга Литошконың Нұрсұлтан Назарбаевқа жазған хатында.

Ерікті

Тағы да оқыңыздар

Оралда көпқабатты үй қабырғасына граффити салған жігіт тоққа түсіп мерт болды

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

comments icon Пікірлер
Развернуть
"Әбден жыладым": Назарбаевтың досының әпкесі Елбасының адамгершілігі туралы айтты