Қазақстандық әскерилер Беларуське не үшін барады

Қорғаныс министрлігі қазақстандық әскери күштердің Беларуське не үшін жіберілгенін айтты. Олар арнайы жаттығуларға қатысады деп хабарлайды KAZ.NUR.KZ.

Қорғаныс министрлігі Ақпараттық және коммуникациялар департаментінің өкілі майор Ғани Нүсіпов Қазақстаннан әскери күштер Беларуське не үшін баратыны туралы айтты.

Нүсіпов түсіндіргендей, 12-16 қазан аралығында Беларусьте "Мызғымас бауырластық" жаттығулары өтеді. Жиынға қазақстандық әскерилер де қатысады.

"Бұл жаттығу Беларусьтің ішкі саяси жағдайымен байланысты емес. "Мызғымас бауырластық" жаттығуы 2012 жылдан бастап жыл сайын өткізіліп келеді және ҰҚШҰ-ның ұжымдық бітімгершілік күштерімен бірге өткізіліп келеді", – деп келтірді Нүсіпов.

Оқу-жаттығу барысында әртүрлі елдердің әскери қызметкерлері өздерінің тәжірибелерімен және бітімгершілік операцияларын ұйымдастырудың ерекшеліктерімен бөліседі.

Қазақстаннан әскери күштер жедел топтың құрамында бақылаушы ретінде қатысады. Биыл Беларусьте жаттығулар өткізу 2025 жылға дейінгі кезеңге арналған ҰҚШҰ іс-шараларының тиісті тізімімен қамтамасыз етілгені атап өтілді. Шешім 2018 жылы бекітілген болатын.

Жаттығуларға ресейлік, армян, қырғыз және тәжік әскери күштері де қатысады деген болжам бар.

Еске салсақ, Ресей жақын уақытта Беларуське мемлекеттік кредит беруді жоспарлап отыр. Бұл туралы Ресей президенті Владимир Путин беларусьтік әріптесі Александр Лукашенкомен кездесуінде мәлімдеді.

Оған қоса, ҚР Ұлттық әскери-патриоттық орталығы Ресей Федерациясы Қарулы Күштерінің Орталық мұражайымен бірлескен меморандумға қол қойды.