RU

Алматыда студенттерді шетелге жіберетін оқу орталығының басшысы ұсталды

Алаяқтық жасаған оқу орталығының басшысы
Фото: Polisia.kz

Алматы полицейлері алаяқтық жасады деген күдікпен жеке оқу орталығының директорын тұтқындады. Азаматшаға қатысты қылмыстық іс қозғалған деп хабарлайды KAZ.NUR.KZ Polisia.kz ІІМ ресми сайтына сілтеме жасап.

Тергеу мәліметінше, алматылық әйел студенттерді шетелге жіберу жөніндегі оқу орталығын ашып алған. Ол өз орталығының қызметтері туралы ақпаратты ғаламтор желісінде таратты.

Нәтижесінде ол бір жыл бойы алаяқтықпен айналысып, клиенттерін алдап жүрген.

"Күдікті 1980 жылы туылған Б.азаматшаның алаяқтықпен айналысқанына бір жылдан асқандығы анықталды. Студенттерді шетелге жіберу үшін оқу орталығын ашып, алдау және сенімге қиянат жасау арқылы ол шетелде оқығысы келетін талапкерлердің ата-аналарының қаражатын иемденді. Әйел ғаламторға шетелдік білім беру мекемелерінде оқытуды ұйымдастырудағы қызметтер туралы жарнамалар орналастырды.
Алаяқтықтың тізбегі келесідей болып шықты: жаңа қатысушылардың ата-аналарына шетелдік жоғары оқу орындарына түскендігі туралы мүлдем жоқ құжаттар берілді. Кейіннен клиенттер сертификаттың шын екендігіне күмәнданбай, күдіктінің есепшотына шұғыл түрде үлкен ақша аударды (оқу ақысы). Әрбір қылмыстық әрекеттен келтірілген материалдық шығын екі миллион теңге және одан жоғары. Қазіргі уақытта біздің бөлімге жеті адам жүгінді" , – деді Алмалы аудандық полиция басқармасының бастығы Есен Ысқақов.

Қазіргі уақытта Б.азаматшаға қатысты ҚР ҚК-нің 190 бабы бойынша сот тергеуі жүргізілуде. Полиция ұсталған адамның қылмыстық әрекеттерінен зардап шеккен адамдарды келесі нөмірлерге хабарласуға шақырады: 8-708-707-92-02; 8-702-333-42-64; 8-705-711-13-71.

Мақаланың түпнұсқасы: https://kaz.nur.kz/1875152-almatyda-studentterdi-setelge-ziberetin-oku-ortalygyny-bassysy-staldy.html