Еліміздің оңтүстігінде «Алдаспан-2020» оқу-жаттығуы аяқталды

Жамбыл облысындағы «Мәтібұлақ» полигонында «Алдаспан-2020» жедел-тактикалық командалық-штабтық оқу-жаттығуы аяқталды.

Маневрлерге өңірдің әскерлері, десанттық-шабуылдау бөлімшелері мен авиация жұмылдырылды.

Оқу-жаттығуға жалпы саны 2 500-ге жуық әскери қызметші қатысты.

Бөлімшелер белгілі бір аймаққа бірнеше жүз шақырым әскери техникада марш жасады.

Әскери қызметшілер шартты қарсыласты оқшаулау және жою бойынша міндеттерді орындады.

Ол үшін барлау-атыс және барлау-соққы кешендері құрылды.

Танкішілер «Танк каруселі» деп танылған үздіксіз оқ жаудырды.

Оқу-жаттығуларда жауынгерлік техниканы қолданудың заманауи нысандары пайдаланылды.