RU

Алматыда қандай жаңа жолайрықтар мен көшелер пайда болмақ

Кептеліс
Фото: NUR.KZ/Петр Карандашов

Оңтүстік астана полициясы қалада қандай жаңа жолайрықтар мен көшелер пайда болатынын айтты деп хабарлайды KAZ.NUR.KZ Polisia.kz ІІМ ресми сайтына сілтеме жасап.

Полицияның мәліметінше, бүгінде қалада үш көлік қиылысының құрылысы жалғасуда. Олар: Рысқұлов даңғылы – Емцов көшесі, Сейфуллин даңғылы – Жансүгіров көшесі, Бухтарминская – Кулжинский тракт.

Оған қоса, тағы екі көше созылатын болады: Абай даңғылы Әуезов көшесінен қалалық шекараға дейін, Саин көшесі Рысқұлов даңғылынан Ақын Сара көшесіне дейін.

Сүйінбай даңғылы Б.Хмельницкого көшесінен Шолохов көшесіне дейін солға бұрылуға арналған құрылғымен қалпына келтіру жұмыстары жүргізілуде. Оның ұзындығы 1035 шақырым.

Абай даңғылына ұзындығы үш шақырым болатын Яссауи көшесінен қала шекарасына дейін екі жағында тротуарлар мен велосипед жолдары бар алты жолақты жол салу қарастырылды (әр бағытта үштен). Саин көшесінен алты жолақты жол салу (әр бағытқа үштен), сондай-ақ, Рысқұлов даңғылынан Ақын Сара көшесіне дейін әр жағынан тротуарлар мен велосипед жолдарын орналастыра отырып, ұзындығы 3,2 шақырым екі жолақты жергілікті көшелер салу қарастырылды.

Сонымен қатар, бес жер үсті жаяу жүргіншілер өткелінің құрылысын қарастырады. Қазіргі уақытта сегіз жер үсті жаяу жүргіншілер өткелі салынуда.

Сегіз шағын ауданда жолдардың құрылысы, 304 көшеде ұзындығы 84 шақырым болатын жаңа жолдардың құрылысы жүріп жатыр.

Көліктердің бетпе-бет соқтығысуын болдырмау үшін Рысқұлов даңғылының бойымен Күдерин көшесінен Бөкейханов көшесіне дейін ұзындығы 3,5 шақырым болатын ортаңғы жолаққа жол тосқауылын орнату жұмыстары жүргізілуде.

Одан бөлек, 70 реттелетін жаяу жүргіншілер өткелдері мен 30 бағдаршам нысандарының жобалық-сметалық құжаттарын әзірлеу, сондай-ақ, 70 жаяу жүргіншілер өткелдерін жарықдиодты жарықтандырумен жабдықтау бойынша жұмыстар жүргізілуде. Бұл жобаларды іске асыру 2021 жылға жоспарланған.

Оған қоса, жалпы ұзындығы 27 шақырымды құрайтын қоғамдық көліктерге арналған арнайы жолақтарды ұйымдастыру жұмыстары жүргізілуде.

Мақаланың түпнұсқасы: https://kaz.nur.kz/1876923-almatyda-kandaj-zaa-zolajryktar-men-kseler-pajda-bolmak.html