Top.Mail.Ru

Сайт нұсқасы

ru kz

Зектілері

Алматы қаласы қаржы полициясының бұрынғы басшысы түрмеден босап шықты

Опубликовано:

Түрме1
Көрнекі фото: NUR.KZ

Алматы қаласы қаржы полициясының бұрынғы басшысы Әмірхан Аманбаев колониядан босатылды. Бұған дейін кассациялық сот оның мерзімін 14 жылдан 5,5 жылға дейін қысқартқан еді. Айта кетейік, ол 2015 жылдың 2 наурызында қамауға алынды деп хабарлайды KAZ.NUR.KZ.

ҚАЖК Zakon.kz порталына Әмірхан Аманбаевтың 2020 жылғы 4 қыркүйекте Нұр-Сұлтан қаласы ҚАЖД ЕЦ-166/10 қауіпсіздігі барынша төмен мекемесінен босатылғаны туралы мәлімдеген.

Естеріңізге сала кетейік, шілде айында Қазақстанның Жоғарғы соты Алматы қаласы қаржы полициясының бұрынғы басшысы Әмірхан Аманбаевқа жазаны 14 жылдан 5 жыл 6 айға дейін қысқартып, бұрынғы жазаны алып тастағаны туралы хабарланған болатын.

Жоғарғы сот қызмет бабын асыра пайдаланғаны үшін жаза ретінде 5 жарым жылды қалдырды.

Аманбаев 2015 жылы 2 наурызда ұсталып, 13 мамырда үй қамағына ауыстырылған болатын. Содан кейін ережелерді бұзу салдарынан ол қайтадан қамауға алынды.

Бұған дейін Аманбаевтан Toyota Land Cruiser-дің 2011 және 2012 үлгілері; 10 миллион 736 мың 809 теңге; Нұр-Сұлтандағы тұрғын үй кешеніндегі үш автотұрақ; барлық ғимараттары бар жер учаскесі, елордадағы 0,08 га жер учаскесінің тәркіленгені туралы хабарланды.

Естеріңізге сала кетейік, Нұр-Сұлтандағы қылмыстық істер жөніндегі мамандандырылған ауданаралық соты Ақтөбе облысы әкімінің бұрынғы орынбасары Руслан Мамуновқа қатысты үкімді жариялады. Оған алаяқтық жасады және пара беруге үгіттеді деген айып тағылды.

Мақаланың түпнұсқасы: https://kaz.nur.kz/society/1877100-almaty-kalasy-karzy-policiasyny-bryngy-bassysy-trmeden-bosap-sykty/

pixel