RU

Қайрат Жақыпбаев Президент әкімшілігіне қызметке тағайындалды

Қайрат1
Қайрат Жақыпбаев. Фото: kegoc.kz

Бас прокуратураның құқықтық статистика және арнайы есепке алу жөніндегі комитетінің бұрынғы басшысы жаңа қызметке тағайындалды деп хабарлайды KAZ.NUR.KZ порталы Ақорданың ресми сайтына сілтеме жасап.

"Мемлекет басшысының өкімімен Қайрат Төлегенұлы Жақыпбаев Қазақстан Республикасы Президенті Әкімшілігінің Мемлекеттік құқық бөлімінің меңгерушісі қызметіне тағайындалды, ол Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің төрағасы қызметінен босатылды",– делінген ресми өкімде.

Қайрат Жақыпбаев 1964 жылы 15 желтоқсанда Қазақ КСР-да дүниеге келген. 1985 жылы Қазақ мемлекеттік университетін "Құқықтану" мамандығы бойынша бітірді. 1990 жылы Мәскеудегі КСРО прокуратурасының жетекші кадрлардың біліктілігін арттыру институтын бітірді.

Еңбек жолын 1985 жылы Оңтүстік Қазақстан облысы, Шымкент қаласы, Абай ауданы прокуратурасында тергеуші болып бастаған.

Осы жылдары ол Оңтүстік Қазақстан облысының прокуратурасында, Бас прокуратурада, Ішкі істер министрлігінде, Мәжіліс аппаратында, Қаржы министрлігінде, "KEGOC" АҚ-да жұмыс істеді.

2018 жылдың мамырынан бастап ол Бас прокуратурасының құқықтық статистика және арнайы есепке алу жөніндегі комитетінің төрағасы болып жұмыс істеді.

Атақтары: Ішкі істер органдарының еңбек сіңірген қызметкері, Прокуратурасының құрметті қызметкері.

2011 жылы ол премьер-министрі Кәрім Мәсімовтен алғыс хат алды. 2012 жылы "Самұрық-Қазына" АҚ құрмет грамотасымен марапатталды.

Еске салсақ, Қазақстан президенті Қасым-Жомарт Тоқаев Стратегиялық жоспарлау және реформалар агенттігі төрағасының екі орынбасарын тағайындады.

Оған қоса, Аэроғарыш комитеті "РҒБО" АҚ Басқармасының төрағасы болып Мәлік Жүйріктаев тағайындалды.

Мақаланың түпнұсқасы: https://kaz.nur.kz/1877491-kajrat-zakypbaev-prezident-kimsiligine-kyzmetke-tagajyndaldy.html