RU

Тоқаев сайлауда жеңген Тәжікстан перзидентін телефон арқылы құттықтады

Тоқаев пен Рахмон телефон арқылы сөйлесті
Фото: Ақорда

Мемлекет басшысы Тәжікстан Президенті Эмомали Рахмонмен телефон арқылы сөйлесті деп хабарлайды KAZ.NUR.KZ Ақордаға сілтеме жасап.

Қасым-Жомарт Тоқаев Эмомали Рахмонды Тәжікстан Республикасының Президенті болып қайта сайлануымен құттықтап, сайлау қорытындылары оның стратегиялық бағытына деген жоғары сенім мен бүкілхалықтық қолдаудың белгісі екенін атап өтті.

Әңгімелесу барысында Мемлекет басшысы Тәжікстан Президентінің екі ел арасындағы берік достық байланыстарды және стратегиялық әріптестікті дамытуға зор үлес қосқанын айтты.

Қазақстан Президенті бауырлас екі халықтың мүддесі жолында күш-жігер біріктіру арқылы көпжақты қазақ-тәжік ынтымақтастығы жаңа белестерге көтерілетініне сенім білдірді.

Тараптар екіжақты күн тәртібіндегі барлық мәселе бойынша бірлескен жұмысты белсенді жалғастыруға дайын екенін растады. Қасым-Жомарт Тоқаев стратегиялық серіктестікті нығайту және қазақ-тәжік қатынастарына тың серпін беру мақсатында Эмомали Рахмонды өзіне ыңғайлы кез-келген уақытта Қазақстанға ресми сапармен келуге шақырды.

Еске сала кетсек, кеше Тәжікстанда перзидент сайлауы өткенін хабарлаған едік.

Мемлекетте 3414 сайлау учаскесі ашылған. Ал ел сыртында тағы 39 учаске сайлаушыларды қабылдады.

Кейінірек, Тәжікстанның қазіргі басшысы Эмомали Рахмон президент сайлауында 90,92 пайызбен жеңіске жеткені белгілі болды.

Мақаланың түпнұсқасы: https://kaz.nur.kz/1879124-tokaev-sajlauda-zegen-tzikstan-perzidentin-telefon-arkyly-kttyktady.html