RU

Нұр-Сұлтанда карантин шаралары күшейтілді

Нұр-Сұлтанда карантин шаралары күшейтілді
Көрнекі фото: piqsels.com

Нұр-Сұлтан қаласының бас мемлекеттік санитар дәрігері Жанна Пралиева елордада шектеу және карантиндік шараларды күшейту туралы жарлыққа қол қойды деп хабарлайды KAZ.NUR.KZ порталы астаналық тауарлар мен көрсетілетін қызметтердің сапасы мен қауіпсіздігін бақылау департаментінің ресми сайтына сілтеме жасап.

Жаңа қаулы департаменттің ресми сайтында жарияланды. Құжат қол қойылған күнінен бастап күшіне енеді.

Нұр-Сұлтан қаласында шектеу және карантин шараларын қатаңдату қала тұрғындары арасында коронавирус инфекциясымен сырқаттанушылықтың тіркелуінің жалғасуына байланысты енгізілгені белгілі болды.

Құжатқа сәйкес, қалалық қоғамдық көліктердің жұмыс кестесі жұмыс күндері және сенбі күндері сағат 6:00-ден 23:00-ге дейін қысқартылады. Жексенбі күндері қоғамдық көліктер жолға шықпайды.

Білім беру орталықтарының, балалар мен ересектерге арналған үйірмелердің, балалар даму орталықтарының (алдын ала жазылу бойынша, 10 адамға дейінгі топтармен) жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс күндері сағат 9:00-ден 18:00-ге дейін жұмыс істейтін болады. Демалыс және мереке күндері жұмыс істемейді.

Мәдениет объектілерінің (толымдылығы 50%-дан аспайтын, бірақ 50 адамнан аспайтын театрларға бара отырып, 30 адамнан аспайтын жеке, топтық дайындықтар), кітапханалардың, мұражайлардың, галереялардың, көрмелердің жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып және 65 жастан асқан көрермендердің келуін шектей отырып, штаттық жұмыс режимінде жұмысын жалғастырмақ.

Нұр-Сұлтан қаласында ойын-сауық, спорттық және басқа да бұқаралық іс-шараларды, сондай-ақ отбасылық, еске алу іс-шараларды, митингілерді, шеруге, жиындарды және т.б. өткізуге тыйым салыну жалғасады.

Еске салсақ, Павлодар облысында карантиндік шектеулер қайтадан күшейтілетіні туралы жазған едік.

Оған қоса, 16 қазаннан бастап Ақмола облысында, 17 қазаннан бастап Шығыс Қазақстан облысында карантин талабы қатаңдатылады.

Оригинал статьи: https://kaz.nur.kz/1880086-nr-sltanda-karantindik-saralar-ksejtildi.html