RU

Меккедегі бейнекамераға жын сұлбасы түсіп қалған (фото)

Қасиетті Мекке шаһарында орналасқан әл-Харам мешітіндегі бақылау камерасы тұрпаты адамға ұқсайтын бұлдыр сұлбаны "байқап" қалған екен.

"әл-Мадина" басылымының тұжырымынша, бұл жынның сұлбасы болуы әбден мүмкін. Алайда, оның бет-бейнесін нақты ажырату мүмкін болмаған. Жынның сұлбасы бейсенбіден жұмаға қараған түні, сағат 3 шамасында байқалған.

Асыл дінімізде айтылғандай, жындарды Алла тағала оттан жаратқан. Олар да ойлау қабілетіне ие. Жындар түрлі бейнеге еніп, әйел-еркек болып бөлінеді.

Олар, аңызға сенсек, Адам атадан бұрын жаратылған. Негізінен орман-тоғай, тау-тас, шөл дала секілді адам аяғы баса бермейтін иесіз жерлерді мекендейді. Олардың да имансыздары мен имандылары бар.

Ақырзаман Пайғамбары (Алланың сәлемі мен игілігі жаусын!) адамзатпен қоса жындарға да жіберілген (Құран Кәрімнің 72-ші сүресі).

Мақаланың түпнұсқасы: https://kaz.nur.kz/286100-mekkedegi-bejnekameraga-zhyn-sylbasy-tysip-kalgan-foto.html