RU

НАСА Сатурндағы құйынның суреттерін жарыққа шығарды

Сатурндағы құйынның суреттерін "Кассини" аппараты 10 сағат бойы жазған.

Агенттік өкілдерінің айтуынша, негізгі мақсат Сатурндағы алтыбұрышты құйынды түсіру болған. Мамандардың тұжырымына сәйкес, алтыбұрыш – диаметрі 30 мың шақырым аумақта соғып жатқан толассыз жел ағыны. Ал оның дәл ортасында үлкен дауыл бары анықталды.

Ғалымдар аталған құбылысқа Сатурнның газдан құралғаны себеп және оны жер бетіндегі дауылдармен салыстыруға болмайтынын айтады.

Айта кетейік, "Кассини" құрылғысы Сатурнға 1997 жылы жіберіліп, тек 2004 жылы ғана ғаламшар орбитасына жеткен. Аппарат миссиясы 2017 жылы аяқталмақ.

Мақаланың түпнұсқасы: https://kaz.nur.kz/293546-nasa-saturndagy-kyjynnyn-suretterin-zharykka-shygardy.html