RU

Шахаризат Сейдахмет "Қазақстан дауысының" жеңімпазы атанды

"Қазақстан" Ұлттық телеарнасында өткен жылдың маусым айында тұсауы кесілген жоба - "Қазақстан дауысы" кеше мәресіне жетті.

Тыңдармандар дауысы бойынша жеңімпаз атанған торғайлық - Шахаризат Сейдахмет. Ол 1986 жылы 12 қарашада дүниеге келген. Тәлімгері - Нұрлан Албан.

Шахаризат жоба бойы дәстүрлі әннің орындаушысы ретінде танылды. Ақтық сында да орындағаны - халық әні "Саған халқым".

"Қазақстан дауысы" атағына лайықты деп танылған оған әлемге әйгілі "Universal" дыбыс жазу студиясымен бір жылға келісімшартқа отыру мүмкіндігі бұйырды және 5 миллион теңге қаржылай сыйақы табысталды, деп хабарлайды "Қазақстан" ұлттық арнасы.

Мақаланың түпнұсқасы: https://kaz.nur.kz/298769-shaharizat-sejdahmet-kazakstan-dauysynyn-zhenimpazy-atandy.html