RU

Алматыда 10 млрд қымқырған хакерлер ұсталды

Хакерлер қақпанға түсті. Алматыда бірнеше жылдан бері ірі компаниялардың қаржысын қымқырып келген алаяқтар ұсталды.

Көлікті жалға беретін компания деп жалған атпен тіркелген қылмыстық топ жалпы сомасы 10 миллиард теңгені қалталарына басқан деп хабарлайды КТК арнасы.

Қылмыстық топ басшысы бұған дейін де алаяқтықпен сотталған екен. Темір тордан шыға сала ескі әніне қайта басқан жігіт сыбайластырмен бірге "Банкклиент" деген бағдарлама арқылы ірі компаниялардың қаражатын арнайы карточкаларға аударып, қолды етіпті.

Бұл жолы 39 миллион теңгені қымқырып жатқанда қолдарына кісен салынды. Шағын пәтерде 2010 жылдан бері небәрі 4 компьютермен қиналмай ақша тауып тайраңдаған алаяқтар, енді кемі 15 жылын темір торда өткізуі мүмкін.

Мақаланың түпнұсқасы: https://kaz.nur.kz/299506-almatyda-10-mlrd-kymkyrgan-hakerler-ystaldy.html