RU

Мектеп формасы әр мектепте әр түрлі болады

Мектеп формасы сапалы әрі қолжетімді болады деп хабарлайды Baq.kz Бiлiм және ғылым министрi Аслан Сәрiнжiповке сілтеме жасап.

Осы туралы қойылған журналистердің ешбір сауалын жауапсыз қалдырмауға тырысқан министр, оқушылардың мектепте біркелкі форма киінгенін дұрыс көретіндігін жеткізді.

"Мектеп формасының құны қолжетiмдi, ал сапасы жоғары болуы тиiс. Мен мектеп формасын кигендi қолдаймын. Бұл бiрiншiден, оқушылардың тәртiбiн қамтамасыз етедi. Екiншiден, бұл мәселе бiр сыныпта оқитын балалардың барлығын бiр-бiрiмен теңестiредi. Олардың киiм киiсiнде әртүрлiлiк болмайды. Яғни, бiр баланың киімі арзан, екiншiсiнiкі қымбат деген ерекшелiктер орын алмайды. Десе де, бiз мектеп формасының сапалы әрi бағасы жағынан қолжетiмдi болғанын қалаймыз. Жергiлiктi атқарушы органдар сатып алу процедураларын дер кезiнде жүргiзiп, қандай да бiр мәселелер туындаса жедел шешуі тиiс. Ал енді жаңағы мәселе ушығып, біркелкі форма мәселесі дауға айналып жатса, әрине, білім басқармалары арқылы оңтайлы шешім қабылдайтын боламыз. Себебі, форманың түр-түсі мен бағасы, оның іске асыру мекемелерін таңдауды ата-аналар қауымы мен мектеп басшылығы бірлесе отырып, мектеп Жарғысы негізінде қабылдайтындықтан, біз қандай да бір құзырлы орган ретінде іске араласа алмаймыз. Десек те, әрбір мәселені мұқият бақылауда ұстап, тараптардың тиімді шешім шығаруына әсер ететін боламыз", – деді ол өз жауабында.

Мақаланың түпнұсқасы: https://kaz.nur.kz/328313-mektep-formasy-er-mektepte-er-tyrli-bolady.html